影片
更多
2020-12-09
49 瀏覽
之前放工就去咗中環呢一間泰國菜食串燒，其實自己之前都食過佢嘅lunch外賣(有串燒配炒飯+海南雞飯)，外賣幾平又正。所以，我對佢嘅串燒都有幾大期望，咁我同朋友就嗌咗份沙律同串燒。🥗泰式酸辣鳳爪沙律 ($58)鳳爪入味，份量好多。泰式酸辣汁配上香蔥、香芧、芫茜、生洋蔥同蘿蔔，好香，而酸辣汁唔會太辣，唔會搶晒啲味。鳳爪酸酸哋辣辣哋，夾埋啲香蔥食幾開胃。🦐大虎蝦 ($70)大虎蝦相當大隻，我估有18cm以上。蝦背有用刀界開，我估計一嚟方便舖頭可以挑蝦腸，一嚟可以方便食客食蝦肉。有好多蝦肉，蝦肉結實。而入埋仲有好多蝦膏，橙色固體狀，好香濃。👍👍🦑魷魚鬚 ($25)魷魚配有香茅、檸檬葉等香料燒，好足料。而魷魚鬚嘅末段燒到好香脆，有啲似平時係海馬公園同老鼠樂園食嗰啲魷魚鬚。最最最重要嘅係魷魚唔會韌，食得好開心。🐥雞皮 ($25)本身諗以為佢燒到燶晒咁，但我估因為雞皮本身已經用沙嗲醬醃製，所以比較搶火？!食落去有陣陣沙嗲味，呢款雞皮並唔會燒到好乾身，入面仲滑身。🥦露筍 ($22)佢係幼身露荀，見佢主要用鹽調味，露荀食入口依然keep到佢嘅嫩身，冇變成露荀乾。而且，露荀無渣。可以嗌多啲露荀食，因為佢可
🥗泰式酸辣鳳爪沙律 ($58)
鳳爪入味，份量好多。泰式酸辣汁配上香蔥、香芧、芫茜、生洋蔥同蘿蔔，好香，而酸辣汁唔會太辣，唔會搶晒啲味。鳳爪酸酸哋辣辣哋，夾埋啲香蔥食幾開胃。
泰式酸辣鳳爪沙律
$58
6 瀏覽
0 讚好
0 留言
🦐大虎蝦 ($70)
大虎蝦相當大隻，我估有18cm以上。蝦背有用刀界開，我估計一嚟方便舖頭可以挑蝦腸，一嚟可以方便食客食蝦肉。有好多蝦肉，蝦肉結實。而入埋仲有好多蝦膏，橙色固體狀，好香濃。👍👍
大虎蝦
$70
3 瀏覽
0 讚好
0 留言
大虎蝦
$70
5 瀏覽
0 讚好
0 留言
🦑魷魚鬚 ($25)
魷魚配有香茅、檸檬葉等香料燒，好足料。而魷魚鬚嘅末段燒到好香脆，有啲似平時係海馬公園同老鼠樂園食嗰啲魷魚鬚。最最最重要嘅係魷魚唔會韌，食得好開心。
魷魚鬚
$25
7 瀏覽
0 讚好
0 留言
🐥雞皮 ($25)
本身諗以為佢燒到燶晒咁，但我估因為雞皮本身已經用沙嗲醬醃製，所以比較搶火？!食落去有陣陣沙嗲味，呢款雞皮並唔會燒到好乾身，入面仲滑身。
🥦露筍 ($22)
佢係幼身露荀，見佢主要用鹽調味，露荀食入口依然keep到佢嘅嫩身，冇變成露荀乾。而且，露荀無渣。可以嗌多啲露荀食，因為佢可以調和返其他濃味食物。
🐷豬頸肉 ($22)
豬頸肉比較薄身，同平時食嗰啲有少少唔同。肉邊燒得有啲似豬肉乾，但整體仍然keep住豬頸肉嘅爽口。
豬頸肉
$22
33 瀏覽
0 讚好
0 留言
🦈白鱔 ($60)
白鱔肉質爽口，同魷魚鬚嘅一樣，以香茅同檸檬草為主要香料。由於白鱔本身唔算係好重味嘅食物，香料就可以提返佢原有味道。
🌽粟米 ($22)
係燒粟米仔，利申我平時有少叫粟米食，不過食串燒又想食啲蔬菜平衡下。粟米好爽口，咬落去「chop」一聲，佢同露荀一樣，都係用鹽做主要調味。 我會食一嚿燒肉再食一啖蔬菜。
🥤青檸梳打 ($20)
有三塊靚靚青檸擺喺梳打上，梳打清新，配串燒正!
青檸梳打
$20
17 瀏覽
0 讚好
0 留言
因為叫串燒嘅關係，餐廳俾咗三隻醬汁我。第一隻醬係泰式甜酸辣醬，就好似X記脆香雞翼嗰種辣醬，甜甜哋。第二種醬汁酸酸哋，不過帶有蒜頭味，唔辣。第三隻醬係典型嘅泰式酸辣汁，同鳳爪嘅汁差唔多。 我見佢有其他醬汁，(試過沙嗲汁，重花生味😜)，應該係根據唔同嘅串燒種類，分配唔同嘅醬汁。
張貼
