Cockloft (已結業)

今日係Happy Friday。同朋友8點已經到左蘭桂坊。同朋友行去和安里行下睇睇有咩可以食。甘多間餐廳，但都比呢間The Cockloft 吸引咗。因為成間餐廳都畀綠色植物包圍，最吸引我嘅就係餐廳正中間一條旋轉樓梯。見到甘即刻同朋友入去餐廳試一試佢。睇完餐牌，原來餐廳係好岩keep fit既朋友仔，強調高蛋白低糖，keep得到又要食得好，食得健康之餘又要好味。我叫左慢煮特製雞胸。估唔到雞胸肉都可以好滑，而且夠大塊，一塊都好夠食。我朋友叫左美國豬上肩肉。肉經過慢煮非常之淋身，而且好入味，非常濃郁，十分推介！另外仲配左意粉，都唔錯呀！睇得出餐廳一絲不苟，野食一啲都唔馬虎！