影片
更多
2023-09-19
197 瀏覽
利寶會館📍中環德己立街1-13號世紀廣場4樓💁♀️中環有好多間酒家，如果想搵一間有格調，食物質素高，而又exclusive 感重的話就要試下呢間利寶會館！餐廳位於中環心臟地帶，地鐵站口行過去都只係短短5分鐘路程，雖然佢係樓上酒家，勝在果一座商業大廈唔算多食肆，所以唔需要另外預番啲時間排隊搭𨋢，十分方便。佢哋個餐牌選擇非常多元化，小菜至山珍海味樣樣都有。如果花多眼亂唔想自己諗，最好就係選擇佢哋嘅套餐！而家適逢有折扣更加抵食，因為套餐裏面乜都有，又可以試到佢哋嘅招牌菜式！👯♀️今晚帶我嚟嘅係熟客仔，所以我哋砌咗一套自己情有獨鍾嘅菜式！💗🔆前菜🔆🥩一口和牛酥我自己本身好鍾意食酥類嘅點心，不過脆口嘅點心其實都幾考師傅功力！呢個和牛酥表面嘅酥皮做得非常之多層次而又極之酥脆，而且入口嘅油膩感比較低！和牛方面肉質都幾柔軟，即使溫入埋類似黑椒味道嘅醬汁，亦都冇遮蓋和牛本身嘅味道～呢個點心我自己非常之鍾意！🥡蟹籽燒賣皇呢度嘅燒賣真係有別於坊間一般嘅燒賣！所謂一分錢一分貨，佢哋嘅豬肉係非常之甜！而且內裏混合在蝦肉，整體肉質口感爽口彈！有機會應該要週末過嚟飲下茶～🔆湯🔆🍲花膠蜜瓜燉螺頭湯非常之滋潤嘅燉湯！除
📍中環德己立街1-13號世紀廣場4樓
💁♀️中環有好多間酒家，如果想搵一間有格調，食物質素高，而又exclusive 感重的話就要試下呢間利寶會館！餐廳位於中環心臟地帶，地鐵站口行過去都只係短短5分鐘路程，雖然佢係樓上酒家，勝在果一座商業大廈唔算多食肆，所以唔需要另外預番啲時間排隊搭𨋢，十分方便。
佢哋個餐牌選擇非常多元化，小菜至山珍海味樣樣都有。如果花多眼亂唔想自己諗，最好就係選擇佢哋嘅套餐！而家適逢有折扣更加抵食，因為套餐裏面乜都有，又可以試到佢哋嘅招牌菜式！👯♀️今晚帶我嚟嘅係熟客仔，所以我哋砌咗一套自己情有獨鍾嘅菜式！💗
🔆前菜🔆
🥩一口和牛酥我自己本身好鍾意食酥類嘅點心，不過脆口嘅點心其實都幾考師傅功力！
呢個和牛酥表面嘅酥皮做得非常之多層次而又極之酥脆，而且入口嘅油膩感比較低！
和牛方面肉質都幾柔軟，即使溫入埋類似黑椒味道嘅醬汁，亦都冇遮蓋和牛本身嘅味道～
呢個點心我自己非常之鍾意！
🥡蟹籽燒賣皇呢度嘅燒賣真係有別於坊間一般嘅燒賣！
所謂一分錢一分貨，佢哋嘅豬肉係非常之甜！而且內裏混合在蝦肉，整體肉質口感爽口彈！
有機會應該要週末過嚟飲下茶～
🔆湯🔆🍲花膠蜜瓜燉螺頭湯
非常之滋潤嘅燉湯！除咗花膠同埋響螺呢兩早上盛食材之外， 裏面都仲有燉到好軟稔嘅骨排，而且肉質仲保持好鮮甜！最得意係湯裏面加咗蜜瓜，成個湯飲唔落更加清甜～
🔆主食🔆🌟酒香南非鮑魚角
南非鮑魚炒冬菇西芹，呢度才有席前表演～有得食又有得睇！儀式感滿滿！
鮑魚好鮮甜彈牙～ 必叫！
🐟青花椒蒸星斑件係中式酒家好少食到呢一種做法嘅魚！
雖然有少少微辣，但就係因為呢種青花椒就令到成條魚都惹味咗好多！
星斑本身魚肉已經係蒜子肉，滑到不得了～
一件其實真係唔夠喉！真心推介～
🥦濃湯浸時蔬食咗咁多肉，點少得蔬菜！今晚嘅濃湯浸時蔬係菠菜～
🦆即燒乳鴿熱辣辣嘅燒乳鴿上到枱香到就算飽飽哋啲食慾都即時返返嚟！
乳鴿外皮非常香脆，撕開時見到啲肉汁噴晒出嚟～
裏面係非常Juicy!
我覺得無論點咗幾多道主菜都好，都應該要留返空間去試吓呢個乳鴿！
🔆甜品🔆🫘陳皮紅豆沙🫘
佢哋嘅紅豆沙有別於其他，因為顏色比較鮮艷，而且果皮味香濃！
職員表示佢哋加咗紅米，所以紅豆沙嘅紅色比一般鮮艷！
而且佢哋用咗10年陳皮， 所以係特別香濃～
紅豆沙嘅份量，亦都非常足料！呢個甜品之中一定要叫！
🌪️🥥椰香蛋散🍳呢個蛋散加埋椰絲，口感酥脆，而且味道更香！
張貼
