利寶會館

營業中

休息中

銅鑼灣蘭桂坊中心地帶，價錢相宜，老師傅好好味蒸魚時間啱啱好好耐冇見過識得蒸魚嘅師傅啱啱有少少黐骨好滑條魚好新鮮好好味！片皮鴨我哋四位用好人一個蒸籠，仲有醬料都是每人一碟的不需要share，方便衛生！荷葉也是一人的一小個很好，地方舒適枱枱有充足嘅距離服務員之後也不停幫我們家查加水，即使已經過咗閂門時間也隨意讓我們繼續傾偈喺中環核心地帶$400左右一位晚飯！真的是非常高性價比，有蒸魚，有片皮鴨，小菜又有大蝦，有甜品有荷葉飯性價比十足，我們基本上食不完，份量充足

呢間酒樓我哋一家人已經唔係第一次去食，食物有質素，服務都OK，不過最唔明就係其實佢星期日嘅營業時間係幾點至幾點？之前試過有一次下午兩點鬆上到去，佢話廚房已經收咗，得返點心。今日仲搞笑， 上午11點上到去，侍應話師傅啱啱開始食飯，叫我哋等等，我哋問即係等到幾點，佢話11點幾！其實佢哋係咪做生意㗎！不過因為食物真係好食，而且週末有折扣，所以我哋會繼續去。我哋每次都會叫乳鴿，同埋XO醬腸粉，蝦餃，點心即叫即蒸，必食

服務差：訂咗7:30晚飯，侍應俾個晚餐蛇羹套餐餐牌我哋，我哋落完order跟住又話個餐因為太抵，所以要預早幾日訂，冇得即場叫，咁你又俾我睇？8:00左右已經話last order。9:00自動埋單，因為未食完，我哋問係咪先埋單仲可以坐多陣？侍應話差唔多要走，叫我哋食快啲。大佬，9:00，食咗個幾鐘頭咋，仲急過食午餐。食物一般至差：嗌咗羊腩煲，咁梗係跟生菜啦，點知跟咗西洋菜。叫佢換返生菜，等咗好耐仲有面色睇。啲羊肉好酥，偏鹹。聽佢介紹食蛇羹，啲蛇羹好稀。又係偏鹹。乳鴿普通，啲皮唔脆。唯一蝦子柚皮比較正常。可能相對其他地方小機會食。價錢：原先叫套餐話加一碗蛇羹$138，我哋都冇意見，叫完又話我哋冇叫套餐，所以每碗係$168。咁係你唔俾我叫套餐，我哋由頭到尾都冇話價錢貴，但又係有面色睇。俾你玩完唔通仲要讚你咩？其實我都唔知啲夥計想點。中環價錢，街坊不如嘅服務水平。非常失望。

今次同幾個以前喺世紀廣場地庫 P 字頭飲到啤啤俘嘅朋友仔👵🏻👴🏻👵🏻👴🏻嚟到同一棟大廈嘅利寶會館試吓佢哋嘅套餐兼老嘢話當年原本想叫那些年懷舊經典菜式(襯返個老嘢 theme) 不過店員告知要預訂，所以轉咗要濃湯雞煲翅自選位餐($388/位)足3兩濃湯雞煲翅 - 係好足料嘅，翅都夠粗身仲係一梳梳嘅口感，湯底濃郁招牌脆乳鴿 - 味道偏鹹香幾惹食，皮脆肉嫩多汁，配有手套同埋濕紙巾幾貼心每人可以自選一款小菜，我哋分別要咗滑蛋炒蝦仁 - 蝦仁大粒夠爽彈，蛋滑嫩，呢個做得唔錯菠蘿咕嚕肉 - 皮脆肉嫩，甜甜酸酸開胃又下飯菜遠炒牛肉 - 啲菜有啲過粗碌稍欠幼細令口感爭啲粉絲雜菜煲 - 純粹係叫個菜濕濕個口，正常發揮餐嘅荷葉飯無曬轉咗瑤柱蛋白炒飯，就咁睇相可能唔覺，但個飯食落好濕，無粒粒分明嘅效果好麻麻下甜品生磨蛋白杏仁茶反而唔錯，幾香杏仁味p.s. 酒款好少而且味道真係爭啲，兼且性價比麻麻建議如果想飲返兩杯嘅情願比 corkage 自攜會比較好

Dinner for 4. Sat in the main dining room; could hear karaoke noises coming out of the private rooms. Decided to go for the “百變海鮮餐”; 七折品嚐價每位$348.Here’s what we had.杏汁燉白肺: very watery- disappointing. 翡翠炒蝦球: not bad. 菠蘿咕嚕肉: pleasant surprise! Sauce was the sticky kind; exterior was crunchy; meat tasted fresh and tender. 清蒸海星斑: which came after a looooooooong interval. Nicely cooked tho- doneness was perfect; sauce could be a bit more flavorful. (Too eager to dig in so forgot to take photo.)鮮竹上湯浸菜苗

好耐無食中菜，昨晚同朋友訂咗中環利寶會館食晚飯，入到去覺得環境好舒服，侍應好好禮貌叫左自選套餐$388一位先來前菜：蜜糖焗花生，做法似反沙芋，用糖炒至包住粒花生，呢個食唔停口🤣脆皮燒乳鴿：炸到皮脆肉嫩，好多肉汁。配淮鹽及喼汁，但係本身好夠味，唔點汁都好好食😋濃湯雞煲翅：個湯真係好好飲，好足料，足3兩嘅魚翅，又粗又飽滿又條條分明，而且食得出係靚嘅魚翅，啖啖都好滿足。就咁飲已經好夠味，你亦都可以加啲醋嚟食豆鼓雞煲：嚟到個煲熱辣辣，鹹香嘅豆鼓真係好開胃，而且雞份量都好多，乾蔥、蒜等配料都好味好甜，好入味，呢個送飯一流👍🏻雪菜肉碎豆腐：雪菜好惹味，配微微煎香豆腐，平衡返雪菜嘅鹹味，而且都係煲上夠唒熱荷葉飯：一打開果陣荷葉香氣撲鼻而來。配料有燒鴨肉，蝦米，瑤柱絲，飯粒好乾爽，而且唔油膩。食到呢度已經好飽，我見隔籬枱仲打包兩個荷葉飯😂蛋白杏仁茶：香滑嘅杏仁茶，唔太甜，配蛋白增加口感，而且好養顏，甜品係另外一個胃，再飽都要食😜

今晚阿SIR請食飯，黎到位於中環德己立街既利寶會館，升降機門一開，就感受到店員熱情嘅招呼。上左茶之後，店員推薦咗２款套餐，那些年懷舊經典菜式(6折$328/位)同濃湯雞煲翅自選位餐(6折$388/位)，阿SIR揀左後者。首先上嘅系濃湯雞煲翅，湯頭勁濃郁，雞湯面保留左少少雞油，配合足3兩嘅魚翅，口感當然係一流，每條魚翅都吸飽了湯汁，勁好味。招牌脆乳鴿的鴿肉肥美嫩口有肉汁，經過特殊醃製後，外皮脆焦，餐廳還準備了手套和濕紙巾，貼心周到。菠蘿咕嚕肉外脆內軟，糖醋啱啱好中和了肉類嘅油膩感，配上新鮮多汁嘅菠蘿，呢道菜真係百吃不厭。滑蛋蝦仁嘅蝦仁肥美爽口，蛋炒得火喉剛好，保留有蛋汁，蛋味濃，而且滑嫩。迷李荷葉飯香氣四溢，米飯粒粒分明。甜品係生磨蛋白杏仁茶，蛋白滑順，甜而不膩。整體來說，利寶會館位於黃金地段，店內環境優雅，有獨立房間，菜品正宗美味，店員服務周到體貼，商務聚會還是家庭聚餐都系好適合。

有幾個內地朋友落咗嚟去玩咁想食中菜就試吓中環呢一間高級中菜今次就食咗二人餐佢每一碟餸睇落去份量唔多但係食落去就必定夠飽㗎啦最好食嘅係佢個鮑魚炒飯同埋生拆蟹肉冬瓜羹蟹肉份量好足鮮味又夠二人餐埋單七百幾蚊 喺中環呢啲地段食嘅話確實係性價比幾高

兒子快要離開香港，今日去利寶會館食返餐好， 我們點了三個套餐：🌿濃湯雞煲翅： 翅湯有很濃的雞香味，火腿鹹味，翅的份量也很充足，應該有三兩。🌿脆皮燒乳鴿：乳鴿燒得剛剛好，皮很脆，肉也很嫩滑。🌿豆豉雞煲：芡汁很濃，雞塊很嫩滑，伴以洋蔥蒜子。🌿菠蘿咕嚕肉： 是一道很開胃的菜式，咕嚕肉外脆內軟，甜酸汁味道恰到好處，菠蘿也很香甜。🌿菜遠炒牛肉： 菜心很甜，牛肉也很滑。🌿飄香荷葉飯： 熱辣辣的荷葉飯，裏面有叉燒粒，蝦米粒，冬菇粒。

那些年懷舊經典菜式奇妙醬螺片佢個奇妙醬有啲Wasabi味 佢係一個前菜冷盤 好似有啲fusion菜嘅感覺🤪蟹肉冬茸羹個羹好足料 好多蟹肉同冬瓜 啲蟹肉都好鮮甜 飲完呢個羹就已經開始有啲飽喇🤤燒雲腿玻璃蝦第一次食炸咗嘅金華火腿 又幾好食喎 個蝦都好脆好大粒🤩古法生扣鴛鴦雞用薑蔥炒嘅 有炒雞同埋炸雞 雖然細細碟 但係兩個人食都好夠😆鴨汁津菜包津菜包入邊就包住咗啲雲耳 菇嘅菌類 味道都幾濃郁😚砂窩鮑魚雞粒炒飯個雞粒炒飯炒得好有鑊氣 另外鮑魚都好腍 不過真係太飽啦 所以上到飯嘅時候都唔係食到好多🙈生磨蛋白杏仁茶最後係一個中式甜品 一上嚟就聞到好濃嘅杏仁茶味 食落去都好滑😋

好食的中菜，今時今日，真的可遇不可求。同朋友喺中環食到正嘢，而家就同大家分享🥰那些年懷舊經典菜式 $328/位奇妙醬螺片是很有趣的組合，有點中西合璧的意味。以青瓜及菠蘿鋪底，上面堆滿螺片的小山，搭配沙律醬，很有中式沙律的感覺。作為前菜，爽口開胃，非常不錯。同時還呈上雞仔餅，令我想起兒時的回憶，果然是那些年的經典，回憶瞬間湧現😊。蟹肉冬茸羹非常足料，一匙羹下去，滿滿蟹肉及冬瓜茸。味道清甜可口，帶點夜香花清香，十分消暑。燒雲腿玻璃蝦擺盤很有意境，金雲火腿非常香口，玻璃蝦非常大隻，晶瑩剔透，配上點點蝦醬，十分彈牙且非常惹味。古法生扣鴛鴦雞色澤吸引，份量不多，但非常入味，啖啖肉且非常嫩滑，我哋食完想連汁都撈埋🤩。鴨汁津菜包精緻手工菜，以津白包含不同切絲蔬菜，如冬菇、木耳絲等，清新且十分爽脆。鴨汁味道濃郁，加上少許鴨肉，惹味但非常健康😍😍。砂鍋鮑魚雞粒飯全晚最有難忘的一道菜，一啖入口，忍唔住細細聲驚叫了一聲🤩🤩心諗：太好味了‼️ 超級香口，香氣隨着熱騰騰的蒸氣向上升，瀰漫着整個空間💖濃香的豉油包裹每一粒飯，而飯中加入大量嘅材料，包括冬菇粒及雞粒，鮮味十足，鹹香味也十足。如果要比分，我真係會比滿分🤩

利寶會館位於中環德己立街1-13號世紀廣場4樓那些年懷舊經典餐$328一位2位起要預早一日訂檯蟹肉冬茸羹新鮮當日即整原隻新鮮蟹拆肉蟹味濃灑上胡椒粉更加提味砂鍋鮑魚雞粒飯散發著香氣每粒均勻上色原隻鮑魚夠晒淋食客專程黎食必食奇妙醬螺片凍盤奇妙醬加芥辣螺片大塊又厚仲有爽脆青瓜做配菜鴨汁津菜包包住木耳絲，鴨絲各種菇類口感好豐富鴨汁好濃郁古法鴛鴦雞1種雞係以三杯雞既做法雞肉好滑另一種係炸雞非常香脆雞仔餅經典小食大大塊仲係暖暖地好脆雲腿玻璃蝦炸雲腿非常脆玻璃蝦非常爽口蛋白杏仁茶非常滋潤潤肺

難得同老婆撐枱腳，但又想食高質d既中菜，就揀左利寶會館，有fd午餐食過唔錯介紹我去食，對於選擇障礙症既我黎講就最怕揀食乜，好在佢有個自選位餐，只要一人揀返個小菜就搞掂，個餐包左好多野。首先黎個濃湯雞煲翅，飲落雞味香濃而清甜，配上一大排魚翅，彈牙冇得輸，完全係高級嘅享受。招牌脆乳鴿外皮炸得皮脆肉嫩，鴿肉嫩滑多汁，食到差啲手指都食埋。 套餐包左一位選一個小菜，我哋揀左菠蘿咕嚕肉同滑蛋炒蝦球，咕嚕肉糖衣脆到冰糖葫蘆咗內裡肉質鬆軟，配上新鮮菠蘿，甜酸度剛剛好。滑蛋炒蝦球嫩滑得嚟仲有啲蛋汁加埋新鮮彈牙既蝦仁，清爽既蔥粒令到呢個餸又多左一重口感。仲有個拳頭咁大既鮮蝦荷葉飯，未打開已經聞到清香既荷葉味，飯粒分明，鮮蝦夠爽配搭得幾好，食埋呢個夠哂飽。糖水係蛋白杏仁茶，杏仁氣味獨特清香，入口順滑且有蛋白碎，甜而不膩。

放工之後同男朋友去咗蘭桂坊附近食中菜餐廳「利寶會館」 環境幾舒服 唔會係枱貼枱咁好有空間 呢到主要有套餐同點心食 我地見呢個HK$388/pp自選套餐幾好又啱食 有得簡喜歡嘅小菜🥢🍲濃湯雞煲翅先嚟嘅係呢個濃湯雞煲翅 用煲仔裝住每人一碗翅仲有啲雞肉絲係裡面 味道非常濃郁夠哂入味🥢脆皮燒乳鴿店員會先準備手套俾我地食用乳豬 乳豬皮好脆 肉質鮮嫩🍤 滑蛋炒蝦仁呢個滑蛋炒蝦仁非常推介 蝦球非常彈牙同新鮮 份量又多 炒蛋非常嫩滑🥢菠蘿咕嚕肉酸酸甜甜好好味嘅咕嚕肉 餸飯就啱哂🍚飄香荷葉飯每人一份荷葉飯 上碟都熱辣辣 用荷葉包住 餡料主要有蝦乾、瘦肉同冬菇 非常惹味 但又唔會好咸📍利寶會館 (中環)中環德己立街1-13號世紀廣場4樓

媽媽生日梗係同佢食餐那些年懷舊經典菜式啦！$328/位·奇妙醬螺片用上蛋黃醬同埋少少Wasabi 配上海螺片作為前菜十分開胃!生拆鮮蟹肉冬茸羹:羹湯濃郁而且啖啖蟹肉，冬茸清甜，十分好味。燒雲腿玻璃蝦球 蝦球好新鮮，而且彈牙鮮甜，造型十分精緻而雲腿鹹中帶點甜味，層次感非常好，再加埋3點蝦醬點綴外型十分吸精。·古法生扣鴛鴦雞雞肉軟綿綿，鮮嫩多又汁再加埋配菜，十分惹味。·懷舊鴨汁津菜包津菜包住鴨肉冬菇木耳等配料,係一個好好嘅配塔。・鮑魚雞粒炒飯鮑魚夠晒吸晴，大大隻放係炒飯面，再加上炒飯粒粒分明，非常好食。・蛋白杏仁茶食飽再笑個甜品杏仁茶，滋潤養肌。•雞仔餅雞仔餅甘香酥脆。媽媽話呢餐生活飯佢十分滿意！