餃掂手工餃子雲吞專門店

中環呢間餃掂第一次去試， lunch 同同事去食，一人叫一份餃子其實已經夠飽， 但又口痕想試下啲小食，雞翼真心正，雞翼控可以一試，估佢唔到餃子店但雞翼居然好好食。 餃子都唔錯，龍鳳餃以為肉餃會好油膩，但食落清爽，食完一份都唔會濟住，仲食得落其他，但細食的女仔可以同人share. 我冇加麵，只叫淨餃再加小食同同事share 剛剛好。 檸檬薏米水都係值得order 一支，飲唔晒攞返公司飲，可以清水腫，價錢又唔貴。下次經過就咁買返支返公司都幾好，好過飲塑化糖水。