影片
更多
2024-07-26
336 瀏覽
今日嚟到中環試一試呢間法國藍帶主廚主理嘅小店，最近做緊優惠$699就有二人套餐，平過好多Fine Dining同Cafe！小店比較細，不過係就一個溫馨餐館嘅路線，服務態度好嘢食都好食！🍴六道菜晚市二人套餐 限時推廣 $699 另收加一(8/10)🥗巴馬火腿蜜瓜沙律 (8/10)火腿非常咸香有肉味，配埋苦澀嘅火箭菜同埋甜甜的蜜瓜，真係幾唔錯！🥗熱帶風情海蝦青瓜沙律 (9/10)有啲似泰式沙律，有青瓜沙律菜，酸酸辣辣得來係有層次嘅，用咗熱情果汁！，個蝦肉好清爽會有蝦味，佢唔係死實嗰種，彈性嗰種好好食！🎃南瓜忌廉湯 （8/10)南瓜超級香濃，好香甜，食落去質感都係好濃稠，加咗忌廉令到佢咁creamy 🍝香辣低溫慢煮雞胸巴東汁扁意麵 (7.5/10)東南亞汁有少少似青咖喱嘅香料味，雞肉係有口感意粉都係好掛汁嘅，都幾香口！🐟茴香魚高湯煮海鱸魚 (7.5/10)個魚好厚肉好滑，味道係比較清香，帶出咗鱸魚嘅鮮味，個人覺得有少少似中式嘅蒸魚！🍴紅館姜母鴨 (7/10)鴨肉比較紮實，比較有口感，但個皮好香脆味道比較鹹香，都幾重煙熏味，唔係好似平時食到嘅薑母鴨，未到OK嘅，不過個人嚟講就未算好鍾意！🍴鮮
🍴六道菜晚市二人套餐 限時推廣 $699 另收加一
(8/10)
🥗巴馬火腿蜜瓜沙律 (8/10)
火腿非常咸香有肉味，配埋苦澀嘅火箭菜同埋甜甜的蜜瓜，真係幾唔錯！
🥗熱帶風情海蝦青瓜沙律 (9/10)
有啲似泰式沙律，有青瓜沙律菜，酸酸辣辣得來係有層次嘅，用咗熱情果汁！，個蝦肉好清爽會有蝦味，佢唔係死實嗰種，彈性嗰種好好食！
🎃南瓜忌廉湯 （8/10)
南瓜超級香濃，好香甜，食落去質感都係好濃稠，加咗忌廉令到佢咁creamy
🍝香辣低溫慢煮雞胸巴東汁扁意麵 (7.5/10)
東南亞汁有少少似青咖喱嘅香料味，雞肉係有口感意粉都係好掛汁嘅，都幾香口！
🐟茴香魚高湯煮海鱸魚 (7.5/10)
個魚好厚肉好滑，味道係比較清香，帶出咗鱸魚嘅鮮味，個人覺得有少少似中式嘅蒸魚！
🍴紅館姜母鴨 (7/10)
鴨肉比較紮實，比較有口感，但個皮好香脆味道比較鹹香，都幾重煙熏味，唔係好似平時食到嘅薑母鴨，未到OK嘅，不過個人嚟講就未算好鍾意！
🍴鮮果芝士撻 (7/10)
蛋撻皮好脆喺曲奇皮有少少鬆化入邊吉士醬酸酸地加埋四粒藍莓幾唔錯！
🍴芒果拿破崙 (8/10)
拿破崙個酥皮千層好show芒果吉士醬好香，芒果都好甜！
☕️Cappuccino (8/10)
咖啡味超級香濃，奶味好順滑，一啲都唔會苦澀，幾好飲！
推薦指數: 8/10
冇諗過銀行大廈入邊竟然有間咁高質嘅西餐，由法國主廚處理，煮出嚟嘅食物高質又有心機，真係用心去煮食，價錢仲要唔貴個人覺得$699呢個套餐真係好抵食！真心好食推薦俾大家！
張貼
