弁慶 御好燒 鐵板燒

營業中

休息中

同朋友一齊去咗中環樓上一間由日本人主理嘅大阪燒主題料理。師傅非常好客，朋友仲請埋師傅一齊飲啤酒，全程邊食邊傾，食得好開心～🥢蠔大阪燒見師傅首先開蠔，然後將新鮮蠔肉配以醬汁煎到金黃色。處理好嘅蠔肉，巧妙咁放到煎到金黃色嘅大阪燒上面。蠔味和海水味非常突出～ 🥢熱熔芝士大阪燒入邊主要都以椰菜為主，外層煎到金黃色之後，今次師傅將軟滑嘅熔芝士倒去個大阪燒面，形成口口一層芝士鋪面，再喺上面畫上大阪燒醬汁，外形非常吸引。芝士味非常濃郁～🥢櫻花蝦芙蓉蛋大量櫻花蝦混埋蛋醬一齊煎成形。入口蛋味香滑，啖啖都食到櫻花蝦嘅鹹香。值得一試🥢鐵板燒牛舌：口感彈牙，再配埋汁醬就更加好食🥢炙和牛肉：正常發揮，可以一試