影片
更多
2024-04-15
266 瀏覽
Omakase食得多, 以動漫/黑膠碟/Hi-Fi做主題嘅中環黒き月就係一間結合左e d元素嘅一間餐廳! 餐廳嘅設計源於店主喜愛嘅事物, 將佢喜歡嘅日本動漫、音樂、美食同時間呈現出嚟, 同每一位嚟店舖嘅客人分享! 最近適逢櫻花季節更做左好多唔同嘅櫻花deco, 可以比客人打卡影相! 今晚為車車烹調美食嘅就係超師傅啦, 整晚嘅menu都相當有驚喜, 除左食材新鮮, 所用上嘅烹調方法亦都令人驚豔, 成日話同一時期食omakase嘅話, 大部分餐廳所用嘅當造食材都大同小異, 食都係食師傅手勢同烹調技巧, 而黒き月的確令人有驚喜! ✨️先付前菜係車車好中意食嘅石川縣岩水雲, 味道微微酸甜加上紫蘇花獨特味道, 非常開胃, 刺激食慾 ＜刺身＞✨️深海池魚用左沖繩海澡鹽同即磨wasabi作簡單調味, 淡淡餘香之餘, wasabi更令深海池魚味道係口腔last得更耐而海澡鹽令深海刺魚味道更加濃郁 ✨️長崎華漣生蠔／象拔蚌相比其它生蠔, 可以用實而不華嚟形容, 海水味唔算重, 肉質相當肥美甘甜, 象拔蚌肉質非常彈牙沾上少量檸檬汁, 檸檬單檸酸令象拔丰肉味更甜 ✨️神奈川地金目錭經師傅用豉油醃製過再輕輕燒一燒,
今晚為車車烹調美食嘅就係超師傅啦, 整晚嘅menu都相當有驚喜, 除左食材新鮮, 所用上嘅烹調方法亦都令人驚豔, 成日話同一時期食omakase嘅話, 大部分餐廳所用嘅當造食材都大同小異, 食都係食師傅手勢同烹調技巧, 而黒き月的確令人有驚喜!
✨️先付
前菜係車車好中意食嘅石川縣岩水雲, 味道微微酸甜加上紫蘇花獨特味道, 非常開胃, 刺激食慾
＜刺身＞
✨️深海池魚
用左沖繩海澡鹽同即磨wasabi作簡單調味,
淡淡餘香之餘, wasabi更令深海池魚味道係口腔last得更耐而海澡鹽令深海刺魚味道更加濃郁
✨️長崎華漣生蠔／象拔蚌
相比其它生蠔, 可以用實而不華嚟形容, 海水味唔算重, 肉質相當肥美甘甜, 象拔蚌肉質非常彈牙沾上少量檸檬汁, 檸檬單檸酸令象拔丰肉味更甜
✨️神奈川地金目錭
經師傅用豉油醃製過再輕輕燒一燒, 魚肉多左一分煙燻味, 再加上超好食秘製紫菜醬, 令層次感即時提昇
✨️北海道馬糞海膽
當日第八名嘅馬糞海膽, 綿綿嘅口感, 入口即化, 除了鮮甜外, 已經感受唔到其它味道, 非常高質, 與紫菜青瓜絲同食, 真係人生一大美味
✨️富山灣螢光魷魚蒸蛋
蛋蒸得剛剛好, 不老不嫩, 非常滑溜, 蛋味濃郁, 加上瀨尿蝦嘅咸香味, 令茶碗蒸即時提昇左一個檔次
✨️北海道毛蟹
蟹肉用了海膽調味, 鮮上加鮮, 入口啖啖肉, 鮮味十足
✨️鮟鱇魚肝泡芙
全時令車車最深刻同時覺得最特别嘅一道菜, 感覺就好飲法國鵝肝醬配多士一樣, 高貴而親民! 泡芙牛油香撲鼻, 而且剛剛中和了鮟鱇魚肝醬嘅油膩感, 入口細滑, 真係好想再食多件
✨️澳洲鮑魚
用昆布蒸了6小時再配鮑魚肝醬, 鮑魚爽彈鮮甜, 師傅更額外比多一小件飯比我地沾埋個鮑魚肝醬, 超開心!
✨️金綢立鱗燒
立鱗燒魚鱗超香脆, 魚肉厚實啖啖肉, 配上海膽醬更惹味鮮甜
✨️漬物（牛篣，薑，淮山）
＜壽司＞
✨️鳥貝壽司
烏貝柔軟爽滑, 師父會先拍一拍去令肌肉收縮單用豉油調味已經好足夠!
✨️針魚壽司
肉質彈牙鮮甜, 帶優厚油脂, 由於魚味唔算濃所以配上少量蒽, 食落更香
✨️北海道喜之池
外皮輕輕燒過, 油份比較高, 食落滿滿油香
✨️中拖羅魚腩
拖羅色澤粉紅, 油分恰到好處而且無筋, 入口即化, 魚味濃厚
✨️吞拿魚魚鮫
魚鮫肌肉有彈性, 而且重油脂及膠質, 經網燒後, 食落更甘香軟嫩
✨️櫻花蝦拖羅手卷
拖羅口感綿滑又油脂豐富, 配搭櫻花蝦脆口咸香, 多重口感係味蕾爆發, 大滿足!
✨️玉子燒
簡單嘅一道菜但非常考究師傅調味技巧同心思, 車車好中意食e款玉子燒, 入口軟棉, 蛋味香濃, 咸咸甜甜超好味!
✨️麵豉湯
✨️櫻餅
用左櫻花葉🌸夾住士多啤梨大福, 食落味道幾特別, 甜甜酸酸當中帶點淡淡嘅咸味, 食落無咁甜膩, 同salted caramel有異曲同工之妙!
張貼
