芝加哥串燒酒場

位於中環蘭桂坊嘅芝加哥串燒酒場，經過門口已經見到大大個霓虹燈閃閃下，好熱鬧好有氣氛！放工想去happy hour嚟呢個地方飲吓嘢都幾好坐！由於啱啱放工唔係好肚餓，坐低食串燒送下酒吹下水就啱晒！仲有坐outdoor，好chill 叫咗以下串燒，質素都幾高！蒲燒鰻魚串 $29: 鰻魚鮮嫩爽脆，蒲燒醬汁濃郁美味A5極品和牛粒 $128: 肉質細膩，入口即化，充滿牛油香，必點！燒土匪雞翼 $25: 外皮夠酥脆，風味獨特，幾惹味蜜糖雞翼 $22: 蜜糖香甜，雞肉嫩滑，送酒一流黑糖雞髀肉串 $19: 黑糖香氣濃郁，啖啖肉明太子玉子燒 $58: 玉子燒口感綿密，襯托明太子的鮮味，簡單好味，有驚喜！酒水方面我哋一人叫咗一杯酒: Mateus 玫瑰酒 $99: 味道清新易入口，櫻桃果香濃郁，甜酸度剛好，適合配搭串燒。1664啤酒 $99: 啤酒清爽夠冰凍，帶有淡淡花香，解膩佳品！芝加哥串燒酒場有得食串燒又有得飲吓酒，同朋友聚吓幾啱feel！下次都想再同朋友嚟happy hour! 推薦！