L'AMOUR

中環法國菜餐廳「L’AMOUR」嘅Set Dinner有好多唔同選擇，任由客人自行搭配，餐廳裝修風格以玫瑰紅色作主題，既浪漫又有格調，餐廳內仲有唔少打卡位置。*此餐廳收取加一服務費。4 Course Dinner（單點$496），傳統法式牛柳，七成熟，經過香煎之後，表面食落帶點焦香味道，肉質色澤粉嫩，口感軟腍，牛味濃厚，配以自家製醬汁食用，味道更佳，配菜包括有藜麥、甘筍、蘆筍、石榴、薯蓉。4 Course Dinner（單點$496），慢煮西班牙黑毛豬鞍，經過香煎之後，表面煎得色澤金黃，外圍部份帶有脂肪，肉質肥瘦適中，食落好Juicy，配菜包括有南瓜蓉、藜麥、甘筍、蘆筍、石榴。乾式熟成澳洲和牛他他（跟餐$68），表面鋪有櫻桃蘿蔔，和牛他他肉質軟嫩，內有酸瓜、洋蔥、生雞蛋漿，味道清爽，配以酸種麵包多士食用，口感香脆。北海道帶子刺身沙律（跟餐$28），帶子刺身肉質嫩滑，味道鮮甜，沙律菜配以意大利黑醋食用，食落好清新。法式澳洲活龍蝦湯（跟餐$48），表面鋪有菇菌味份子泡沫、淡忌廉拉花，龍蝦湯味道鹹鮮、帶有龍蝦膏的甘甜味道，略嫌沒有龍蝦肉。是日餐湯（跟餐$0），南瓜忌廉湯，口感Creamy，味