CHUTNEY

之前同同事lunch試過呢間印度餐廳，覺得食物質素同氣氛都好好，今晚約左朋友食飯，咁啱想食印度菜，於是就過黎呢間餐廳一入座店員就會送上傳統印度薄脆（Papadam)，附上3款醬汁（芒果．薄荷．紅菜頭），口感脆脆幾特別Tandoor Red Snapper ($338)紅鯛魚烤得外皮微焦，魚肉嫩滑多汁，無半點腥味，焦香同海鮮鮮味好夾，原條魚預先以香料醃製，好入味，配上洋蔥沙律清爽解膩，整體幾好食Butter Makhani Chicken ($258)奶油咖喱雞醬汁濃郁，帶濃厚嘅奶油同蕃茄甜香，雞肉啖啖肉，炆到軟腍入味，微甜微辣，配埋naan一齊食，好快就會清晒整碗醬汁Plain Naan ($42)Plain Naan烤到外層微焦，內裡鬆軟有彈性，入口帶麵粉嘅天然香氣，沾醬一流Truffle Cheese Naan ($58)呢款香氣四溢，芝士同黑松露香味濃郁，入口同樣嚼勁，就咁食都幾惹味Bottle beer - Kingfisher ($78)Kingfisher啤酒冰涼爽口，入口帶麥香，飲落清新解膩，配印度菜特別啱📌CHUTNEY (中環)地址：中環雲咸街75-77號嘉兆商業大廈