影片
更多
2025-06-14
142 瀏覽
放假前夕去咗中環一間幾出名嘅印度菜餐廳食飯，成間餐廳好有氣氛，裝修靚到好似去咗另一個國家咁。入到去先見到一個好有設計感嘅bar位，之後行到最入先係餐廳部分，燈光柔和，成個感覺好relax，幾啱同朋友過黎打卡食飯。Chicken Tandoori & Tandoori Prawn叫咗 Chicken Tandoori 同 Tandoori Prawn作為前菜，雞外層燒到微焦，香料味好香，但肉質仲好juicy，好啱我呢啲鍾意食燒烤嘢嘅人。而個蝦就超彈牙，帶輕輕嘅煙燻味，擠少少檸檬汁落去，成個味道即刻清新晒，很不錯。Lamb Chettinad主菜就試咗 Lamb Chettinad，呢個係南印度風味嘅羊肉咖喱。羊肉煮得好腍，完全冇騷味，啲香料味都啱啱好，唔會over太搶味。配埋一碗熱辣辣嘅印度香米Basmati Rice真心好夾。另外，如果鐘意飲酒，建議可以試下配杯白酒，尤其係有果香嗰啲，成個咖喱嘅味道層次會即刻升級，真係好夾。Garlic Naan外層脆脆地，入面又有少少煙韌，仲有好香嘅蒜味，蘸咖喱食或者淨係食都好正。Semiya Payasam呢款係用幼幼嘅麵條加牛奶、西米同香料煮成嘅
Chicken Tandoori & Tandoori Prawn
叫咗 Chicken Tandoori 同 Tandoori Prawn作為前菜，雞外層燒到微焦，香料味好香，但肉質仲好juicy，好啱我呢啲鍾意食燒烤嘢嘅人。而個蝦就超彈牙，帶輕輕嘅煙燻味，擠少少檸檬汁落去，成個味道即刻清新晒，很不錯。
Lamb Chettinad
主菜就試咗 Lamb Chettinad，呢個係南印度風味嘅羊肉咖喱。羊肉煮得好腍，完全冇騷味，啲香料味都啱啱好，唔會over太搶味。配埋一碗熱辣辣嘅印度香米Basmati Rice真心好夾。另外，如果鐘意飲酒，建議可以試下配杯白酒，尤其係有果香嗰啲，成個咖喱嘅味道層次會即刻升級，真係好夾。
Garlic Naan
外層脆脆地，入面又有少少煙韌，仲有好香嘅蒜味，蘸咖喱食或者淨係食都好正。
Semiya Payasam
呢款係用幼幼嘅麵條加牛奶、西米同香料煮成嘅甜品，口感滑溜，甜度岩岩好，仲有少少豆蔻嘅香味，好特別。
張貼
