影片
更多
2022-12-20
24 瀏覽
小包包佢哋fusion漢堡好出名，依家趁聖誕仲推出聖誕假期套餐，有四款小食、兩個包、兩個甜品同埋兩杯飲品。前菜小食可以揀四款，紫菜炸墨魚脆脆、聖誕火雞肉醬、墨西哥炸蝦雲吞、黑松露薯條。紫菜炸墨魚脆脆：炸得好香脆，入面有馬蹄、墨魚肉，所以食落口感彈牙爽口，仲可以蘸埋黑蒜醬就更滋味。聖誕火雞肉醬：炸到外皮香脆，入面有滿滿嘅火雞肉醬，好creamy，而且加埋鼠尾草同百里香，味道好豐富。墨西哥炸蝦雲吞：入面包住彈牙嘅蝦肉，而雲吞皮炸得金黃香脆，令口感好大反差，而表面仲加咗四川菠蘿莎莎、牛油果醬，令味道層次得到提升。黑松露薯條：份量比其他嘅小食多，有肉醬（魯香菇）同黑松露嘅沙律醬味道好夾，可以突出到黑松露嘅獨特香味，而表面嘅日本大根可以增添口感。PORK BELLY BAO係呢度啲招牌包，用兩大塊經過慢煮嘅豬腩肉，加埋清新嘅大蔥紫蘇葉沙津，中和一下豬腩肉嘅油膩感，再配埋好香嘅芝麻醬，令整體味道變得更好。XMAS DUCK BAO呢個香酥鴨包係聖誕限定，唔係成日都可以食到，充滿中式風味嘅香酥鴨髀，鴨肉嫩滑多汁，仲好入味，而包中嘅小紅莓醬，酸酸甜甜嘅味道同鴨肉好夾，令整體層次昇華不少。鹽味雪榚包：用
前菜小食可以揀四款，紫菜炸墨魚脆脆、聖誕火雞肉醬、墨西哥炸蝦雲吞、黑松露薯條。
紫菜炸墨魚脆脆：炸得好香脆，入面有馬蹄、墨魚肉，所以食落口感彈牙爽口，仲可以蘸埋黑蒜醬就更滋味。
聖誕火雞肉醬：炸到外皮香脆，入面有滿滿嘅火雞肉醬，好creamy，而且加埋鼠尾草同百里香，味道好豐富。
墨西哥炸蝦雲吞：入面包住彈牙嘅蝦肉，而雲吞皮炸得金黃香脆，令口感好大反差，而表面仲加咗四川菠蘿莎莎、牛油果醬，令味道層次得到提升。
黑松露薯條：份量比其他嘅小食多，有肉醬（魯香菇）同黑松露嘅沙律醬味道好夾，可以突出到黑松露嘅獨特香味，而表面嘅日本大根可以增添口感。
PORK BELLY BAO
係呢度啲招牌包，用兩大塊經過慢煮嘅豬腩肉，加埋清新嘅大蔥紫蘇葉沙津，中和一下豬腩肉嘅油膩感，再配埋好香嘅芝麻醬，令整體味道變得更好。
XMAS DUCK BAO
呢個香酥鴨包係聖誕限定，唔係成日都可以食到，充滿中式風味嘅香酥鴨髀，鴨肉嫩滑多汁，仲好入味，而包中嘅小紅莓醬，酸酸甜甜嘅味道同鴨肉好夾，令整體層次昇華不少。
鹽味雪榚包：用嘅包經過油炸，有啲似炸饅頭，而中間有鹽味嘅雪糕，仲加埋焦糖醬，可以帶出鹽味雪糕嘅鹽味，令味道更清新。
士多啤梨意大利式雪糕：都係用咗油炸嘅包夾住士多啤梨意大利式雪糕，仲有花生醬脆脆，味道更加豐富，果味濃郁可以有效減低油膩感。
BAO CHA! HEY BAO!
差不多每檯都會叫，好有熱帶風情，酒味較濃，入口仲有陣陣奶油味。
PUNCH SAI GUA
用咗新鮮西瓜汁，所以味道更清新，入口順滑，係款好清爽嘅Cocktail 。
張貼
