影片
更多
2025-03-19
303 瀏覽
呢間位於中環8號碼頭嘅Museum Cafe真係好值得推介！ 佢隱藏喺香港海事博物館天台，環境光猛又開揚，樓底高、空間感十足，仲有一列落地玻璃窗，陽光滲入嚟好溫暖。最正係佢嘅戶外座位，對住維港海景,摩天輪, 同灣仔會展，藍天白雲下真係好Chill，仲有種去咗外國渡假嘅感覺❤️！呢間Cafe仲好有意義，係非牟利機構開設嘅社企餐廳，支持唔同能力同國籍嘅員工，提供工作機會俾佢哋發揮所長。員工專業得嚟又好親切，真係好值得支持！食物方面以西式輕食同甜品為主，價錢以中環海景餐廳嚟講算好親民，仲唔收加一服務費。試咗佢哋嘅🔮蘑菇湯，蘑菇打碎煮成，味道香濃；🔮牛肉千層麵層次分明，芝士同肉醬嘅比例啱啱好，食落好滿足。另外，🔮雞肉牛油果卷,都好清新，牛油果醬鋪滿外面，雞肉厚實，食完完全冇罪惡感！🔮再嘆番杯熱Cappuccino，入口綿滑，咖啡同奶泡嘅比例調得剛剛好。呢度午餐選擇款式多，價錢合理，環境一流，仲可以支持下社企，真係一舉兩得
呢間位於中環8號碼頭嘅Museum Cafe真係好值得推介！ 佢隱藏喺香港海事博物館天台，環境光猛又開揚，樓底高、空間感十足，仲有一列落地玻璃窗，陽光滲入嚟好溫暖。最正係佢嘅戶外座位，對住維港海景,摩天輪, 同灣仔會展，藍天白雲下真係好Chill，仲有種去咗外國渡假嘅感覺❤️！
呢間Cafe仲好有意義，係非牟利機構開設嘅社企餐廳，支持唔同能力同國籍嘅員工，提供工作機會俾佢哋發揮所長。員工專業得嚟又好親切，真係好值得支持！
食物方面以西式輕食同甜品為主，價錢以中環海景餐廳嚟講算好親民，仲唔收加一服務費。試咗佢哋嘅🔮蘑菇湯，蘑菇打碎煮成，味道香濃；🔮牛肉千層麵層次分明，芝士同肉醬嘅比例啱啱好，食落好滿足。另外，🔮雞肉牛油果卷,都好清新，牛油果醬鋪滿外面，雞肉厚實，食完完全冇罪惡感！🔮再嘆番杯熱Cappuccino，入口綿滑，咖啡同奶泡嘅比例調得剛剛好。
呢度午餐選擇款式多，價錢合理，環境一流，仲可以支持下社企，真係一舉兩得
張貼
