Museum Cafe at Pier 8

星期日同侄女、及朋友一齊海事博物館參觀，行完博物館就去搵食~正正海事博物館樓上就有間café, 咁方便，環境又靚, 當然就去食啦~Café 樓底超高, 再加上半圓形落地大玻璃窗, 空間感充足,餐廳有戶外及室內位置, 室外位置可以望著維港及中環摩天倫, 日落時景色應該超靚🤩Café 係非牟利機構, 佢地會聘請不同國籍及能力的員工, 而且性價比超高，好值得支持👍🏻🌟Cafe 8 西班牙火腿沙律（$105）份量超充足的沙律，有大量的沙律菜，再加上青瓜、車厘茄、雞蛋、無花果、芝士碎及西班牙火腿，非常的豐富，沙律新鮮好味，非常的清新，只加少許的dressing, 夠晒健康👍🏻🌟山羊芝士菠菜咸批($88)見到有菠菜咸批，當然唔會錯過，批焗得黃金香脆，批邊酥脆，而內餡保持香軟濕潤，濃郁的山羊芝士味及菠菜互相配合，濃香但𣎴會太過，鍾意食芝士嘅朋友千萬不要錯過！🌟黑麥麵包吐司配煙三文魚、牛油果（$95）另外朋友點了黑麵包吐司配三文魚及牛油果，三文魚夠肥美，配牛油果的creamy口感及濃郁堅果香，絕配組合😋🌟Just Beet It （$65）| Cappuccino （$42）這裏有不同的飲品，除要般的咖啡、茶、啤酒、雞尾酒這些外，還有新鮮果汁，夠晒健康，朋友就點了Just Beet It，裏面用上紅菜頭、胡蘿蔔、檸檬、蘋果和生薑，紅菜頭及胡蘿蔔夠晒抗氧化及對心血管有益，加入蘋果及檸檬更美味，最重要夠晒健康👍🏻…查看更多

呢日嚟咗呢間係中環碼頭⛵️嘅西餐餐廳食午餐🤣呢間餐廳由非牟利機構營運，支持不同能力嘅員工，員工基本上係本地或嚟自好多不同國家包括菲律賓🇵🇭同尼泊爾🇳🇵澳洲🦘紐西蘭🇳🇿 等等🤣👍呢度有室內同埋室外部份可以任你揀嚟坐🤣餐廳有「午市套餐」可以自由組合，咁我哋揀咗1個 $155 A+B+C+D 即係「頭盤 + 主菜 + 甜品 + 飲品」同埋1個 $140 A+B+D 即係「頭盤 + 主菜 + 飲品」🤣頭盤「紅蘿蔔西芹湯」：熱辣辣大大碗有濃郁紅蘿蔔味🤣頭盤「菲達芝士沙律🥗」：沙律菜新鮮爽脆，Feta cheese 🧀 有鹹香我不嬲都鍾意食🤣主菜「火腿車打芝士三文治」：多士烘焙到脆卜卜，配埋火腿同埋有鹹香嘅芝士，簡單得嚟好好味喎🤣主菜「雞肉批」：熱辣辣嘅雞肉有香蔥香味，雞批批皮好鬆化🤣甜品「士多啤梨芝士蛋糕」：幾 creamy，唔算好甜，幾啱食🤣飲品「泡沬咖啡☕️」：香濃兼夠滑🤣飲品「美式咖啡☕️」：香濃好飲🤣另外仲叫咗 $105「Museum Cafe 西班牙火腿沙律」：沙律菜新鮮爽脆🤩，Jamón Serrano 非常有鹹香🤣，其他配料包括雞蛋、小蕃茄、Emmental Cheese 等🤣要讚吓呢度嘅樓面員工努力工作態度好好👍🤩$65 VERY BERRY SMOOTHIE：有好香嘅草莓味，唔係好甜，好滑，好飲🤣…查看更多

約了舊同事小聚lunch，嘗試找一間在海邊有好環境和開陽的餐廳，試下中環8號碼頭海事博物館入面的天台cafe，環境寧靜，舒適好chill，清新簡潔，牆上有不同的藝術畫。餐廳有户內和户外，有平台，由於天雨關係暫不開放，但環境非常好，從餐廳玻璃可直望中環地標摩天輪，仲好近，從室內都可以清楚影到，仲有無敵海景。呢間cafe原來係非牟利社企機構，支持不同國籍和能力嘅員工，啲staff好Nice和熱情，會周不時問吓你有冇啲咩需要或者提點，仲會介紹吓菜式。我哋點咗兩份lunch set，每個item都可以揀一款，有湯/沙律、主菜、甜品和飲品，選擇都幾多，尤其是甜品款式和飲品種類，不只是咖啡奶茶，很多飲品都不用加錢，而且食物都有水準。Set Lunch 頭盤蘑菇湯：溫度暖暖，香濃幼滑，蘑菇味突出牛肉千層麵：熱辣辣，適中份量，芝士、牛肉和千層板層次分明，牛肉餡料都多，最吸引是麵上好大塊的芝士英式香蕉拖肥蛋糕：甜度頗高，但拖肥和香蕉的組合意外地和諧Latte：拉花latte，香味奶味順滑Set Lunch 頭盤菲達芝士沙律：都幾大碟，食材新鮮，芝士有層次，沙律醋好開胃雞肉牛油果卷：好細心一分為二，可以同朋友share，嫩滑雞肉和牛油果，感覺好健康紅絲絨蛋糕：加$10轉了紅絲絨蛋糕，好大件，質地實淨，忌廉層不會過甜Cappuccino：泡沫綿密，咖啡香濃食飽後還買了少許外賣返屋企俾小朋友做下午茶雙重朱古力Muffin：朱古力味非常濃郁，咬到入面好多朱古力醬，每口都充滿爆漿感，適合朱古力控和鍾意甜食的朋友Babychino：小小杯，奶泡細膩…查看更多

呢日去開中環行海邊，咁岩見到呢間cafe，環境真係好舒服。望住個摩天輪同埋藍天真係好chill!!!原來佢地係社企黎！Lasagna🧀 層層堆疊既意大利麵好有口感，夾著濃郁既肉醬同埋芝士！表層金黃微焦，香氣撲鼻，估唔到呢度有幾好食既千層麵Open Toasted Sandwich (Salmon Avocado)🥑三文魚好足料，配上口感酥脆既麵包，味道都好清新，又飽肚又唔會膩，牛油果都好新鮮Apple Crumble🍏 淡淡肉桂香，金黃酥脆既餡，味道幾特別，仲有加左其他醬汁，都幾大舊既!!Carrot Cake🥕呢個幾有驚喜，蛋糕濕潤柔軟，甜而不膩，食落都幾開胃，帶有滿滿既紅蘿蔔香氣🍰Rocky Road Gelato🍨濃郁既朱古力雪糕仲有堅果碎，口感豐富，十分香甜，第一次食呢個牌子既GelatoHealthy Smoothie🌿個顏色真係好sharp，融合左新鮮水果與蔬菜，夠哂營養同埋解膩Flat White☕香氣濃郁，飲杯靚啡提下神，仲有靚靚拉花，係偏Nutty 既咖啡總括而言，野食夠哂性價比，幾岩一家大細weekend 黎happy family time。…查看更多

星期五早上去中環碼頭闖進這間「museum café at pier」社企咖啡店，人流少得剛剛好，完全是慢活節奏✨先講主角蔬菜咖喱批：酥皮烤得金脆帶香，咖喱味溫和不嗆，濕潤內餡剛好中和了酥皮的乾，配旁邊清爽的沙律剛剛好。再配一杯拉花細緻的flat white, 咖啡香夠醇又不苦，整個set吃完舒服不膩。重點是這裡是社企，邊吃邊支持有意義的營運，靜靜的坐著發呆都覺得時間變慢——這種chill到心坎裡的早晨，在鬧市真的太難得。…查看更多