影片
更多
2020-06-06
2310 瀏覽
返工咁辛苦梗係要食好野黎獎勵下自己🥰今次就黎到位於陸海通大廈3樓的Spiga，今次係慕 Salads & Desserts Buffet 名而來，而陸海通大廈係中環站D2 出口一出就到，好方便！首先黎到門口就被佢嘅裝修吸引住，原木的風格配搭旁邊嘅酒櫃成個感覺好大氣同令人放鬆。跟住Waitress 入去見到餐廳整體風格一致，座位寬敞，完全唔覺得係置身於中環鬧市入面。跟住就睇下佢個Menu, 都係一貫嘅大氣風格，全黑搭配金色燙字的 Spiga，襯返成間餐廳嘅感覺。平日嘅晏晝有提供 Lunch Buffet，$218 嘅Salads & Desserts Buffet 再加$48至$98不等就可以搭配唔同嘅主菜。另外再加$30先有Coffee or Tea，不過本身Buffet都有提供湯，所以唔怕口渴，除此之外當然有 A La Carte 俾大家叫，價錢都係$150起，呢個價位係中環算係正常。首先黎到 Salads Buffet🥰一眼睇過去就有好多野食，除咗有五花百門嘅Salads (包括 Caesar Salad with Shrimp, Baby Spinach 同 Green Bean
首先黎到門口就被佢嘅裝修吸引住，原木的風格配搭旁邊嘅酒櫃成個感覺好大氣同令人放鬆。
跟住Waitress 入去見到餐廳整體風格一致，座位寬敞，完全唔覺得係置身於中環鬧市入面。
跟住就睇下佢個Menu, 都係一貫嘅大氣風格，全黑搭配金色燙字的 Spiga，襯返成間餐廳嘅感覺。
平日嘅晏晝有提供 Lunch Buffet，$218 嘅Salads & Desserts Buffet 再加$48至$98不等就可以搭配唔同嘅主菜。另外再加$30先有Coffee or Tea，不過本身Buffet都有提供湯，所以唔怕口渴，除此之外當然有 A La Carte 俾大家叫，價錢都係$150起，呢個價位係中環算係正常。
首先黎到 Salads Buffet🥰一眼睇過去就有好多野食，除咗有五花百門嘅Salads (包括 Caesar Salad with Shrimp, Baby Spinach 同 Green Beans )，仲有唔同肉類同湯。Salad 方面我最鍾意Caesar Salad with Shrimp，餐廳係俾Sauce 方面一啲都唔小器，而蝦都好新鮮，成個感覺好refreshing。而肉類方面，我就最鍾意 Sear Tuna 同 Smoked Salmon，醃得好入味但又唔怕太濃味，同salad 一齊食就相映生輝💕
Salads Bar
$218
85 瀏覽
1 讚好
0 留言
跟住介紹下佢個湯，今日就有Pumpkin Soup同Tomato Soup 揀。我個人覺得南瓜湯太淡，冇咩南瓜味，而且有種人工添加的甜味。相反，蕃茄湯就好濃味，仲加咗蕃茄蓉係入面增加口感，整體偏酸但係係自然的蕃茄酸味，仲有開胃嘅作用～
之後就介紹下我被Spiga 宣傳技倆誘惑而加$68 叫嘅 Tagliatelle al ragù di salsiccia，份量好足，啖啖都食到肉碎，個sauce 都好入味，但就略厭 Tagliatelle 太硬，食落未到 Al dente 的質感，但都可以接受，好飽肚。
Tagliatelle al ragu di salsiccia
$98
43 瀏覽
0 讚好
0 留言
最後就到 Desserts Buffet，有種麻雀雖少，五臟俱全嘅感覺。細細嘅córner 擺咗7種甜品(包括一個mixed fruits)，我個人就最鍾意 caramel chocolate 同 classic cake，經典嘅意大利甜品絕對唔會令你失望，甜而不膩，為呢餐lunch 寫下完美句號！❤️
整體黎講餐廳食物同服務就好好！buffet bar 嘅野食未見底waiter 已經會主動攞新一碟，而且會問你想main dish 幾時上，好貼心。而且係疫情期間，餐廳都要求客人一定要戴口罩先可以攞野食，等大家可以食得安心。Salads & Desserts Bar 完全冇令我失望，大家絕對要黎試下！
張貼
