久久

營業中

休息中

成日喺Office吹到好凍，又想食暖野。就嚟到呢一間中環街市裏便專食台灣嘢嘅餐廳。大約6:30嚟到，人唔算多，都有位唔使排隊。見到餐牌價錢適中，大約70幾蚊就有一個面。嗌咗一個紅燒牛肉麵，麵嘅份量適中，有3片牛肉，而且牛肉片都幾厚身，肉質口感鬆軟。值得一讚嘢係佢嘅湯底，幾濃郁，加上配菜有酸菜，酸酸地好開胃。加$12-$22 就有一杯飲品。嗌咗一杯黑糖珍珠奶茶，味道偏甜，黑糖份量頗多。不過價錢算係幾抵。