久久

餐廳：久久地點：中環街市菜式：台灣菜餐牌：下午茶餐牌有手工湯麵，家傳滷肉飯，手工拌麵，地道小食，甜點，飲品，價錢相宜。久久紅燒半筋半肉手工麵 $63久久紅燒半筋半肉手工麵大大碗，面頭係牛肉兩大件同牛筋兩大件。牛腱心帶筋，整得好淋好有牛味！牛筋入口即化，滿嘴骨膠原，而且好入味！伴有好多鹹菜同蔥花。個湯好清，送麵好食唔會肥膩。麵係白色扁身麵條，都有口感，份量唔少，唔錯。古法小食拼盤 $68古法小食拼盤有牛腱心兩大件，牛筋兩大件，薄身鴨血4片，鷄翼兩隻，糖心蛋一開二同鹹菜，面頭撒上香茜。呢個價錢分量好多呀！麻辣鴨血 $18麻辣鴨血一客七件，非常抵食。鴨血爽脆，味道真心非常辣，面頭加有好多辣椒同蔥花。滷肉A菜 $28滷肉A菜係油墨菜上面加好多滷肉。油墨菜份量足，滷肉份量多，皮同肥膏有彈性，健康又好味。今餐食物都幾好，上菜快捷，價錢合理，地點方便。下午茶特別抵食。…查看更多

自從上次去中環街市後，感覺意猶未盡，皆因裡面多咗好多餐廳及商店。依日再嚟到，搵咗間台灣料理既久久，味道很好價錢又實惠，值得下次再去。這裡以新派既food court形式，買完票再取食物，開放式座位，環境潔淨，亦設有戶外用餐區，好 relax！看餐牌既下午茶時段有古早手工麵、家傳滷肉飯、台式地道小食、三式芋圓甜點、台式飲品等等，好多特色既台灣美食，選擇款式唔錯。久久紅燒半筋半肉手工麵          $63台灣料理牛肉麵是我首選，牛肉麵湯底濃郁，飲得出啖啖精華，牛肉都幾厚，好有口感，牛肉鮮嫩香濃，牛筋好入味，炆至軟身，手工麵條爽滑，食落都幾彈牙，配搭醃菜同翠綠蔬菜，好美味。蜜汁滷排骨滷肉飯便當           $62滷肉飯亦是我喜歡台式料理之一，呢款滷排骨好大塊，非常足料，面層淋上香甜醬汁，配埋嫩滑豬肉及燉煮既醬汁與白飯拌勻，再加入溏心蛋，食起嚟口感非常豐富又滋味。彰化黑麻油雞翅  (2隻)        $18黑麻油雞翅香味濃郁，帶少少甜味，煮得好入味，肉質好嫩滑，連醬汁拌飯食就更惹味。紅棗桂圓茶           (+$8)杯紅棗茶好足料，內有桂圓、紅棗、玫瑰花、枸杞等，味道清甜，飲到桂圓既果香同紅棗既自然甜味，好潤喉。冷泡台南高山綠茶          (+$8)冷泡茶口感好清新，好適合夏天飲。綠茶味突出，茶香馥郁，每一啖茶香都停留在口中，清香四溢。…查看更多

在熙來攘往的中環大街中環街市內竟然有一間質素非常不錯的台式料理✨紅燒牛肉麵～盛裝在藍白條紋的復古大碗中，紅褐色湯頭上飄著翠綠的蔥花與酸菜，光看就令人食指大動。喝一口湯，濃郁的牛骨香氣與醬香醇厚交織，卻絲毫不感油膩，顯然是慢火細熬的真功夫。主角牛肉更是沒讓人失望，大塊厚實的牛腱子肉燉得極其軟爛入味，用筷子輕輕一夾便能分開，真正做到了「入口即化」的境界，肉質的纖維吸飽了湯汁的精華，每一口都是滿足。麵條Q彈有勁，恰到好處地掛附著湯汁，與爽脆的酸菜一同入口，完美平衡了整體的口感，讓人忍不住一口接一口😇✨同行的友人點的乾麵也同樣出色。麵條上方鋪著滿滿的香濃滷肉燥、青蔥與酥脆的油蔥，攪拌均勻後，每一根麵條都裹上了鹹香的醬汁，簡單樸實卻最是撫慰人心。另一道大腸麵線則展現了台灣小吃的溫柔敦厚。細緻的麵線糊滑順好入口，湯頭清甜，搭配著鮮嫩的肉羹與畫龍點睛的香菜，暖心又暖胃，是一道看似清淡卻底蘊十足的料理。滷肉淋燙青菜～將新鮮的時蔬以最純粹的方式呈現，再澆上靈魂滷肉汁，鹹香的肉末與蔬菜的清甜，堪稱絕配。必吃台灣街頭小吃-台式香腸台式香腸佐生蒜片- 烤得油亮噴香的香腸，本身帶著微微的甜味，搭配上辛辣嗆口的生蒜片，不僅解膩，更將香腸的風味提升到另一個層次🥰…查看更多

中環街市活化後就進駐咗好多美食，當中一間主打台式料理的質素非常不錯店鋪喺地面美食廣場，叫餐後就可以街市內室內或者室外用餐餐廳主要提供手工麵、滷肉手工拌麵、滷肉飯、、逢甲蛋餅、款台灣小食及台式飲品食物方面 :久久紅燒半筋半肉麵 : 將紅燒牛肉塊和牛筋一起熬煮，牛肉和牛筋口感柔軟，湯頭濃郁，麵條爽口，能吸附湯汁，必點招牌之選夜市甘梅雞排拌麵 : 雞扒好大塊，外皮炸到香口酥脆，肉質嫩滑，配埋甘梅粉，味道帶少少酸甜，拌麵選擇咗麻辣味，麵條彈牙，加上滷肉粒，帶少少微辣，口感豐富古早起司芋泥肉鬆蛋餅 : 蛋餅餅皮軟熟，入便係滿滿嘅肉鬆，司加上邪惡嘅起司及芋泥，口感更為有層次麻辣鴨血 : 鴨血質感細嫩，富有彈性，滑嫩入味自家芋泥芋香奶茶 : 將自家制嘅芋泥加入芋香奶茶，奶茶香滑濃郁，飲落啖啖都有芋泥，口感一流…查看更多

中環街市台灣餐廳甘梅雞排麻辣拌麵雞排外皮酥脆，肉質鮮嫩，搭配上香濃的麻辣醬汁，整體味道層次豐富。拌麵的麵條彈牙，吸收了醬汁的精華。黑麻油雞翅蔥油拌麵雞翅經過精心醃製，肉質鮮嫩多汁。搭配的蔥油拌麵則清爽可口，麻油的香味更是提升了整道菜的風味，令人回味無窮。古法小食拼盤拼盤盛合了多種台灣經典小吃，包括牛展、牛筋、雞翼、鴨血、酸菜和雞蛋。每一樣食材都經過精心處理，風味獨特。牛展和牛筋軟嫩入味，雞翼香氣四溢，鴨血與酸菜則提供了清爽的口感，完美平衡了整體的味道。滷肉A菜滷肉的香氣撲鼻，肉質軟嫩，醬汁濃郁，搭配新鮮的A菜，口感清脆。這道傳統的台灣滷肉飯絕對是經典中的經典，令人懷念的家鄉味。麻辣臭豆腐外皮酥脆，內部綿密，搭配麻辣醬汁，讓人感受到火辣的刺激。臭豆腐特有的發酵香氣也讓這道菜更具風味。…查看更多

中環街市地下有好多餐廳，晏就搵左間台灣菜，餐廳以food cour形式，叫餐後就可以係室內或者室外搵位坐。半筋半肉滷肉拌麵$66拌麵醬汁可選台味麻辣或者古早蔥油，我揀左古早蔥油，陣陣香蔥味，加埋滷肉拌麵一流，仲有2件牛筋2件牛腱，炆得入味，麵條不會過腍，有咀嚼感，好吃。跟餐+$16 自家芋泥芋香奶茶，甜味適中，芋泥綿密。芋泥三色芋圓$38芋泥好似雪糕球咁，同樣綿密，三色芋圓Q彈，仙草切條狀，食落滑捋捋，超足料好抵食。中環區嚟講價錢唔貴，份量十足，味道好，性價比高。…查看更多

久久Foodcourt 台灣店蜜汁滷排骨滷肉飯 滷出嚟嘅排骨口感鮮嫩多汁而排骨滷完之後再搽蜜糖上色+甜味😃然後再炸 大大塊非常脆 肉味香濃有少少炸過咗 但味道還可以滷肉吸收咗滷汁嘅味道唔會覺得太鹹或太甜易入口👌🏻👌🏻飯底係台灣傳統滷肉飯飯粒佢仲有一套湯/撈的台灣手工面可選，選了䓤油撈面，非常足料，非常惹味！額外再點了小食，有鹽酥雞，甘梅粉落得比較重手，非常酸酸甜甜，而台灣腸好香口二款中，台灣腸更勝一籌！…查看更多

平日的晚上想係中環食到平民化啲嘅餐廳真係唔容易，好在中環街市開左個food court，不過其實啲價錢都真係唔平民。我哋揀咗「久久」依間台灣菜，見到枱面有介紹話電話落單可以有送餐服務，點知等左一段時間發現原來要自己取餐，店員的態度都麻麻地，令人有點失望。我哋每人叫左一份主食，再share 蛋餅同臭豆腐。………………………………………………久久紅燒牛肉手工麵 （川味） ⭐️⭐️⭐️麵質幾滑，牛肉都煮得夠霖，但係個人覺得湯底偏咸，整體一般。蜜汁滷排骨滷肉飯便當⭐️⭐️朋友表示麻麻地。古早榨菜肉鬆蛋餅⭐️⭐️室溫蛋餅，完全無溫度，餡料味道正常。麻辣臭豆腐（6件）⭐️⭐️⭐️唔熱，不過味道還好。珍珠奶茶（凍） ⭐️⭐️味道較清淡。………………………………………………見到OpenRice 好多好評，但係依間食落真係好麻麻，價錢又唔平，服務態度又麻麻，綜合考慮絕對值得拎一個劣評。如果係中環區要搵啲平民啲又性價比高嘅餐廳，真係建議行多兩步，近上環一點，會有更多好選擇。…查看更多

有時去到中環唔知食乜，唔想貴到飛起，又唔想等位，去中環街市行個圈都係一個idea，G/F既food court幾好坐，都算多野食揀！今次食台灣料理「久久」個手工麵好ok！唔係heahea既麵條黎架，Q彈吸汁好食！配夜市甘梅雞扒，雞扒個皮好薄好脆，雞扒厚又多汁內嫩。超like呢個！夜市甘梅雞扒手工麵 $73，個價錢中環黎講，100有找，都叫抵食！！阿嬤焢肉滷肉飯便當 $77又係另一推介，滷肉、焢肉真係超送飯！肉質軟腍入味，一流。便當仲有溏心蛋，溏心蛋都超正！！小食都多選擇，士林鹽酥雞 ($22)、起司粟米蛋餅 ($38)都唔錯。見人地食個芋圓甜品都好吸引，mark低下次試下先。+$12有飲品，配埋珍珠奶茶，感覺match晒！…查看更多

今日去完大館參觀，沿著半山自動電梯落到中環街市，我哋就在中環皇后大道中93號中環街市地下G18號舖的<久久>食台式下午茶。food court形式，先購票後取餐，自行入座。📍蜜汁老排骨滷肉飯便當 $62：排骨好大塊呀，皮脆肉嫩，蜜汁好味；飯面有滷肉、肉鬆和溏心蛋，送飯一流。📍蔥油半筋半肉拌麵（不辣）$66：牛肉軟腍入味，牛筋軟綿好食，手工麵條軟硬適中，拌有蔥花、滷肉、酸菜，口感豐富又好味。📍古早起司芋泥肉鬆蛋餅 $46：蛋餅煙韌，餡料豐富，有芋泥、芝士、肉鬆，好味又好食。📍古早芋泥三色芋圓 $38：芋泥軟綿，三色芋圓Q彈，仙草滑溜，甜度適中，啱我。📍自家芋泥芋香奶茶（兩杯）$32：芋味香濃，奶茶幼滑好飲。…查看更多

今日去到中環街市搵食，睇來睇去都係覺得呢間最合心意，就決定試下啦。首先我地點左個古法滷水拼盤，（牛展，牛筋，雞翼，鴨血，酸菜，雞蛋）。非常豐富。大大碟每樣兩人份量都係$68蚊。非常親民。而且味道都唔錯，牛展同牛筋都係入口即溶，味道香濃可口，真係唔錯。值得一試。之後叫個大腸麵線，都只係$28蚊大大碗，大腸好林，而且好入味，味道都唔錯。份量都好大碗，抵食。再叫多個起司粟米蛋餅，外型有啲似腸粉，食起淡淡既蛋香味，點咪豉油食令味道更加提升。最後叫多個甘梅雞扒滷肉飯便當，呢個雞排份量十足，炸到好香脆可口。非常有口感。滷肉都較瘦，食起就唔怕超標啦。最欣賞就係加咪半隻溫泉蛋，真係天花板滿足。飲品方面跟餐可以加$12蚊追加特飲，今次我地點左個香芋珍珠奶茶，呢個炎熱既夏天最合適不過，冰凍心涼。另一杯就點左冰泡亞里山烏龍，無糖飲起十分健康。…查看更多

中環街市food court 內有多國風味的餐廳，想食台灣菜，就只有一家 - 久久！滷排骨滷肉飯、炸雞排、臭豆腐、台灣面、大腸麵線、珍珠奶茶，全部經典台灣小食主食，通通在久久揾到～炸雞排中午來吃時巳售光🥹 唯有叫滷排骨，意想不到入味，滷水汁帶甜，啖啖肉，好味～ 滷肉飯半肥瘦，配以肉鬆及酸菜作小菜，層次滿滿～臭豆腐不臭😂 但炸得香口帶少辣～香䓤手工拌麵好香，䓤油足料，手工面煙燉彈牙，一碗份量挺多，男士都會夠飽！再加了一份古法滷水拼盆，把所有特式小食通通吃一遍！牛展&流心蛋尤其出色～…查看更多

性價比高嘅台灣菜係一間響中環街市嘅小店餐牌上都有好多不同嘅選擇而且價錢亦都唔貴 份量亦都好足蜜汁滷排骨滷肉飯便當蜜汁滷排骨鹹甜適中 唔會過於甜膩帶有蜂蜜既香氣排骨醃得好入味 肉質軟嫩配上帶鹹香且油潤同微甜既滷肉飯滷肉肥瘦均勻 仲有啲肉鬆💯黑麻油雞翅手工麵黑麻油香氣濃郁 雞翼肉質嫩滑加上熱辣辣既手工麵 好好味古早台式烤香腸台式香腸外皮非常酥脆香腸仍能保持肉質濕潤和多汁帶蒜香濃郁味 香氣四溢 大腸麵線大腸滷得夠入味 帶有嚼勁麵線湯頭濃稠剛好 仲加左冬菇👍🏻起司粟米蛋餅蛋餅內包裹住濃郁奶香味嘅芝士同鮮甜嘅粟米加上靈魂醬汁😋…查看更多

中環街市這間台灣小店主打紅燒牛肉麵套餐，$68包一碗招牌牛肉麵＋一杯香芋奶茶，在核心商業區來說相當抵食！牛肉麵湯頭濃郁帶微微藥材香，不會過鹹，麵條選用粗身刀削麵，掛湯又彈牙。牛腱肉燉得軟嫩，筋位半透明，入口即化，還附兩大塊蘿蔔，吸滿湯汁超入味。 亮點是套餐配的香芋奶茶，芋香自然不過甜，珍珠煮得剛好，吃完重口味牛肉麵來一杯正好解膩。份量對女生剛好，男生可能要加點小食。 整體味道正宗，$68在中環能吃到這樣質素的台灣牛肉麵套餐實在難得，上班族午餐或逛街小歇都適合！ **推介指數：★★★★★** **必點：** 牛肉麵配香芋奶茶（記得拌勻湯底！） **貼士：** 午市12:30前到可避開人潮…查看更多

今天特地來到中環的「久久」，想滿足一下對台灣美食的渴望。我哋食咗下午茶，價錢非常之性價比高，難怪咁多人都食。古法滷水拼盤 拼盤的滷味搭配相當豐富，配料新鮮，滷汁入味，香氣四溢。古早烤台灣香腸 香腸外皮酥脆，內裡多汁，帶有淡淡的甜味，搭配蒜片更是絕配。每一口都能感受到烤香的風味，讓人懷念台灣的小吃文化。紅燒半筋半肉手工面 手工面的口感非常彈牙，紅燒湯底濃郁，肉質鮮嫩。黑糖珍珠奶茶黑糖風味濃郁，珍珠Q彈，搭配奶香的口感，讓人一喝就愛上。蔥油排骨拌麵蔥油味都好香，排骨炸到香脆可口。…查看更多