影片
更多
2023-12-18
106 瀏覽
臨近聖誕節同朋友去咗呢間西班牙餐廳食飯，諗住好好慶祝，價錢都唔係平三百幾蚊一個餐，前菜頭盤都OK嘅，但係主菜就出事，唔可以話好難食，不過味道同個價錢唔成正比😂🍴 前菜及餐湯 (7/10)芝士松露醬薄多士/巴馬風乾火腿季節沙律:是日餐湯，前菜係唔錯嘅，多士好香脆有芝士同松露嘅香味，火腿唔鹹沙律都新鮮清爽，餐湯係蘑菇湯，蘑菇嘅味道香濃，食到蘑菇嘅碎粒！🍴 龍蝦汁西班牙海鮮燉飯 $338 (5/10)海鮮飯比想像中細兜，份量真係少，一個人都食唔飽，個飯係粒粒粒粒分明，食落去鹹鹹地，就食唔到龍蝦汁嘅味道，冇飯焦，連洋蔥粒粒都冇㗎！海鮮係正常急凍海鮮，份量都比較少，得兩隻青口一隻蝦三嚿魷魚兩隻蜆！味道係一般又細份，。三百幾蚊就唔係好值🤣🍴 香烤美國安格斯肉眼扒 $398 (3/10)叫咗三成熟，嚟到就變咗全熟，同餐廳講佢都即刻換返返俾我，呢一點都值得稱讚！不過肉眼扒嘅質素就唔太值三百幾蚊呢個價格，同你平時食開美國安格斯嘅質素好唔同，就算要咗三成熟肉質都比較韌，好難咬，牛肉嘅香味都冇乜，真係比較失望，嗰三條青椒同埋薯蓉都係正常。🍴水果茶 +$15 (6/10)有微微嘅茶味少少澀，有輕微嘅水果香唔會
臨近聖誕節同朋友去咗呢間西班牙餐廳食飯，諗住好好慶祝，價錢都唔係平三百幾蚊一個餐，前菜頭盤都OK嘅，但係主菜就出事，唔可以話好難食，不過味道同個價錢唔成正比😂
🍴 前菜及餐湯 (7/10)
芝士松露醬薄多士/巴馬風乾火腿季節沙律:是日餐湯，前菜係唔錯嘅，多士好香脆有芝士同松露嘅香味，火腿唔鹹沙律都新鮮清爽，餐湯係蘑菇湯，蘑菇嘅味道香濃，食到蘑菇嘅碎粒！
🍴 龍蝦汁西班牙海鮮燉飯 $338 (5/10)
海鮮飯比想像中細兜，份量真係少，一個人都食唔飽，個飯係粒粒粒粒分明，食落去鹹鹹地，就食唔到龍蝦汁嘅味道，冇飯焦，連洋蔥粒粒都冇㗎！海鮮係正常急凍海鮮，份量都比較少，得兩隻青口一隻蝦三嚿魷魚兩隻蜆！味道係一般又細份，。三百幾蚊就唔係好值🤣
🍴 香烤美國安格斯肉眼扒 $398 (3/10)
叫咗三成熟，嚟到就變咗全熟，同餐廳講佢都即刻換返返俾我，呢一點都值得稱讚！不過肉眼扒嘅質素就唔太值三百幾蚊呢個價格，同你平時食開美國安格斯嘅質素好唔同，就算要咗三成熟肉質都比較韌，好難咬，牛肉嘅香味都冇乜，真係比較失望，嗰三條青椒同埋薯蓉都係正常。
🍴水果茶 +$15 (6/10)
有微微嘅茶味少少澀，有輕微嘅水果香唔會好甜都正常嘅。
推薦指數: 4/10
服務係OK嘅，環境都唔錯，只係食物嘅調味同埋質素有待改善，呢一餐都食咗八百幾蚊，個人覺得性價比就唔係好高啦🥲🥹
張貼
