Abbraccio

好耐冇過嚟中環呢邊食lunch啦，玩完大館展覽見到對面有間露台餐廳好似幾chill，上到去睇個menu都幾抵，4 courses 先$178，仲係包凍飲。一開始見到有室內同戶外位，今日天氣涼涼地咁梗係簡室外啦，都有唔少人黎食喎。前菜沙律同湯都不錯，沙律2人一份，當日餐湯係蕃茄忌廉湯。之後我地簡左升級嘅辣牛肉pizza，呢種係薄脆個隻，睇落好吸引，有灑上辣椒粉，幾惹味，仲配埋小沙律。朋友唔食辣，叫左個青醬意粉，意粉煙韌，青醬都好香。甜品可以揀兩款，包括意式奶凍或者Tiramisu，用經典嘅玻璃杯裝上，Tiramisu都幾濃厚，奶凍奶香十足，仲有真水果點綴。