影片
更多
2023-05-23
693 瀏覽
文興酒家地址: 中環威靈頓街160-164號曾昭灝大廈2樓今次去咗restaurant week 嘅餐廳試一間備受好評嘅中餐，座位安排上好闊落，staff 服務高質，識笑同主動serve 你，值得再嚟食多次。Restaurant week manual $248/1pp (未包加一同茶芥) 埋單就 $1201/4pp 🍆🍆日本胡麻拌茄子啲茄子好清新，又開胃，配埋個汁食落好柔滑，加上香氣十足嘅胡麻醬汁，好好味呀。而且口感好豐富，個茄子有炸過下，淋咗醬都脆脆地。🍵🍵姬松荳螺頭燉雞燉雞好入味，啲湯渣淡淡食落去都係雞嘅鮮甜味。啲菇整到好香係中式燉湯嗰種獨有嘅香味。湯汁鮮美，入口後回味悠長，不過就真係好熱，等咗勁耐先飲得落口。🍗🍗粵式燒泰國櫻桃鴨（半隻）鴨肉經過燒烤後變得非常香嫩，鴨皮酥脆，口感非常好，搭配上甜酸口感嘅櫻桃醬汁，將成隻鴨都昇華咗，廚師又幫你起埋骨啱晒懶人食。🍖🍖意大利黑醋一字骨佢整到接近骨肉分離，骨肉部分嘅肉質香酥富有膠質感，冇過熟整到啲肉散仲好好咬，搭配上酸甜嘅黑醋醬汁同埋啲果仁，口感更加豐富。🥚🥚黑松露蝦球炒蛋蝦球鮮嫩多汁，完全冇雪藏味，加上黑松露嘅香氣，松露控一定鍾意。炒蛋
地址: 中環威靈頓街160-164號曾昭灝大廈2樓
今次去咗restaurant week 嘅餐廳試一間備受好評嘅中餐，座位安排上好闊落，staff 服務高質，識笑同主動serve 你，值得再嚟食多次。
Restaurant week manual $248/1pp (未包加一同茶芥) 埋單就 $1201/4pp
🍆🍆日本胡麻拌茄子
啲茄子好清新，又開胃，配埋個汁食落好柔滑，加上香氣十足嘅胡麻醬汁，好好味呀。而且口感好豐富，個茄子有炸過下，淋咗醬都脆脆地。
🍵🍵姬松荳螺頭燉雞
燉雞好入味，啲湯渣淡淡食落去都係雞嘅鮮甜味。啲菇整到好香係中式燉湯嗰種獨有嘅香味。湯汁鮮美，入口後回味悠長，不過就真係好熱，等咗勁耐先飲得落口。
🍗🍗粵式燒泰國櫻桃鴨（半隻）
鴨肉經過燒烤後變得非常香嫩，鴨皮酥脆，口感非常好，搭配上甜酸口感嘅櫻桃醬汁，將成隻鴨都昇華咗，廚師又幫你起埋骨啱晒懶人食。
🍖🍖意大利黑醋一字骨
佢整到接近骨肉分離，骨肉部分嘅肉質香酥富有膠質感，冇過熟整到啲肉散仲好好咬，搭配上酸甜嘅黑醋醬汁同埋啲果仁，口感更加豐富。
🥚🥚黑松露蝦球炒蛋
蝦球鮮嫩多汁，完全冇雪藏味，加上黑松露嘅香氣，松露控一定鍾意。炒蛋嘅口感嫩滑，佢可以整到好似西餐嗰種炒蛋質感一樣。
🍛🍛瑤柱蛋白炒飯
瑤柱嘅鮮味同蛋白嘅嫩滑完美融合，配搭上粒粒分明又乾身嘅飯粒，食落唔油膩，仲可以撈埋佢啲XO醬嚟食，真係食過返尋味。
🍰🍰黃金千層糕
呢個係好有特色嘅甜品。千層糕嘅口感鬆香軟綿。食落去層次分明，但係就好似有啲油膩啦，不過勝在甜度唔係好重。
🫖🫖茶芥 $24/1pp
🫕🫕XO醬 $28
醬汁嘅口感豐富，夾埋啲辣椒同海鮮嘅味道，啱晒撈飯。
味道: 4.3/5
服務: 4.5/5
環境: 4.5/5
番兜: 4/5
張貼
