影片
更多
2020-07-07
156 瀏覽
.之前我地去行山，由中環出發去山頂再去香港仔，出發前就黎食左個午餐，常餐份量唔算太多，食完去行山岩岩好～-《沙嗲牛肉公仔麵》$48唔似普通茶記只有死咸既沙嗲醬，沙嗲醬充滿花生醬香味，而且食落都會食得到有花生碎，味道少少似印尼沙嗲串燒既味道。牛肉唔算多但每片都幾大塊下，煮得幾軟淋唔會過韌但味道略為普普通通，個人認為濃郁既沙嗲醬先係精粹！麵底煮得岩岩好，啲麵唔會煮到散哂同埋過淋，好岩我鐘意食硬麵質既人食。.《蕃茄牛肉通粉》$48普普通通既蕃茄湯底，蕃茄味道偏酸，似係地門既茄膏味，幾塊牛肉都算大片，但牛肉同啲蕃茄味唔係幾夾，似係加上去唔係一齊煮，不過質地就幾滑同幾軟熟，但我地都唔太推介呢個蕃茄牛肉通粉。.《炒蛋多士》跟餐強烈推薦大家黎到要食常餐，就係為左呢個炒蛋多士！先講個炒蛋，用左日本蛋、湖北蛋同美國蛋溝埋做蛋漿，煮既過程無落到忌廉同奶，都可以煮得好滑溜而且蛋味非常之濃郁。但都有幾多蛋漿既關係，唔建議放上多士一齊食，因為會令到塊多士變淋。多士同一般茶餐廳同，食落口感有啲似酥皮咁一層層，似多士形狀既牛角包，烘得好香！-👅味道：7.5/10🍱賣相：8/10 .🏠環境：8.5/10未搬鋪前已經幫
.
之前我地去行山，由中環出發去山頂再去香港仔，出發前就黎食左個午餐，常餐份量唔算太多，食完去行山岩岩好～
-
《沙嗲牛肉公仔麵》$48唔似普通茶記只有死咸既沙嗲醬，沙嗲醬充滿花生醬香味，而且食落都會食得到有花生碎，味道少少似印尼沙嗲串燒既味道。牛肉唔算多但每片都幾大塊下，煮得幾軟淋唔會過韌但味道略為普普通通，個人認為濃郁既沙嗲醬先係精粹！
麵底煮得岩岩好，啲麵唔會煮到散哂同埋過淋，好岩我鐘意食硬麵質既人食。
.
《蕃茄牛肉通粉》$48普普通通既蕃茄湯底，蕃茄味道偏酸，似係地門既茄膏味，幾塊牛肉都算大片，但牛肉同啲蕃茄味唔係幾夾，似係加上去唔係一齊煮，不過質地就幾滑同幾軟熟，但我地都唔太推介呢個蕃茄牛肉通粉。
.
《炒蛋多士》跟餐強烈推薦大家黎到要食常餐，就係為左呢個炒蛋多士！
先講個炒蛋，用左日本蛋、湖北蛋同美國蛋溝埋做蛋漿，煮既過程無落到忌廉同奶，都可以煮得好滑溜而且蛋味非常之濃郁。但都有幾多蛋漿既關係，唔建議放上多士一齊食，因為會令到塊多士變淋。
多士同一般茶餐廳同，食落口感有啲似酥皮咁一層層，似多士形狀既牛角包，烘得好香！
-
👅味道：7.5/10
🍱賣相：8/10
.
🏠環境：8.5/10
未搬鋪前已經幫襯過一次，舊鋪環境比較細同逼夾。今次細鋪轉大鋪，而且地利位置比較就腳，鋪內有卡位同長枱，枱與枱之間都有好足夠空位比客人或者店員穿梭。防疫措施亦都好足夠，枱面有支酒精搓心液比客人消毒，店員亦會送上用熱水浸住消毒既餐具，非常貼心！
.
⭐️總評分：8.5/10
總括嚟講，最推介沙嗲牛肉麵常餐，性價比都算高，係中環呢個地段食到呢個價錢而又好食既可以選擇下呢間！
張貼
