一起食堂 (域多利皇后街)

營業中

休息中

放工好心情，睇戲之前黎過快食，呢間台式小店食物唔錯，值得再黎。吉列炸蠔生蠔炸到脆卜卜，口感外層酥化、裏面多汁鮮甜，伴以蛋黃醬，味道清新不膩。府城蝦卷台灣特色小食，金黃薄皮內餡飽滿，軟嫩爽口的蝦肉，花枝的香味，美味，酥脆可口。蝦膏豚肉櫻花蝦麵見到係季節限定，當然要試一試，一上枱已經聞到好香濃嘅紫菜櫻花蝦味，已經流晒口水😂湯底又濃郁嘅蝦膏味、薄切豚肉，面底用左台灣扁闊麵，口感有d似日本烏東，爽口彈牙。紅燒牛肉麵食台灣嘢一定會叫一碗紅燒牛肉麵😋牛肋條油花多、肉汁味美、入口即化，紅蘿蔔、白蘿蔔非常入味，面底同樣用咗台灣扁闊面，簡直係台灣代表性的美食之一 。珍珠奶茶、抹香綠茶台灣飲品亦都唔馬虎，甜味適中,食台灣菜一定要配返2杯台式飲品。奶茶夠滑，抹香緣茶，茶味清香。