一起食堂 (域多利皇后街)

【中西區】【一起食堂】好耐冇捐血，去到中環先發現自己未食嘢，又點捐呢。所以即刻喺附近搵嘢食，見到呢間好似日本餐廳咁嘅裝修，以為食日本嘢。點知睇餐牌先見到，原來係台灣嘢，唔緊要啦，照食。因為見到佢哋嘅「下午茶套餐」都唔貴，既然趕住食嘢，好好醜醜又一餐。主食揀咗 $52 嘅「迷你三寶牛肉麵」，所謂嘅三寶就係牛腱、牛丸同埋牛肋條，估唔到個牛肋條有啲質素，湯底都幾好，以呢個價錢喺中環嚟講唔差喎。個套餐仲有「小食或飲品」二選一，我揀咗小食「鹽酥雞」，味道就正正常常，只能夠講佢係唔差。不過我又點會唔飲嘢吖，加 $10 就可以要多款「小食或飲品」，加咗凍「珍珠奶茶」，好一般，不過就梗係冇港式奶茶咁好飲啦。我見佢加十蚊都唔貴，就加多份「滷雞翼」，合理嘅味道，冇乜亮點，擺得落口。喺中環咁樣食法，埋單先係 $72，冇嘢挑剔。。。（地址：中環域多利皇后街2號地舖）#1amfoodie #foodie #hkfoodie #thatfoodiething #food #instafood #globaleats #dessert #foodpics #followforfollowback #love #eat #1am中西區 #中環 #香港 #一起食堂 #下午茶套餐 #迷你三寶牛肉麵 #牛腱 #牛丸 #牛肋條 #鹽酥雞 #珍珠奶茶 #滷雞翼 #1am1914 #1ambackup…查看更多

🗺️ 中環午餐救星｜一起食堂 (域多利皇后街) 在中環工作，每日食午餐都好像打仗，既想食好嘢，又唔想等太久。今日正正因為唔想走到去域多利皇后街咁遠，所以12點喺外賣平台叫一起食堂既外賣、宜家還有8折，作為「中環午餐救星」之一，主要因為佢勝在高性價比、出餐快、份量足 ！🍜 麻辣豬軟骨拌刀削麵 價錢：$107 【4.0/5.0 🌟🌟🌟🌟】 外賣包裝很穩、很妥當，更送了一碗湯 。豬軟骨3大塊份量十足，不過建議炆煮時間足一點，未到軟腍、入口即化的程度。可能是外送關係，刀削麵只是微Q彈煙韌的口感。值得一讚的是麻辣醬 ，做到「麻、辣、香」三者兼備，辣中帶麻，並有各種香料的複合香氣，調味恰到好處，麻度和辣度適中，而非單純的死鹹和油膩。 🥤 冷泡四季春茶 價錢：$22 【4.0/5.0 🌟🌟🌟🌟 🌟 】 茶味清香甘醇，能喝到茶葉本身的香氣，入口順滑不苦澀。🍽 餐廳：一起食堂 (域多利皇后街) 📍 地址：中環域多利皇后街2號地舖 ⏰ 營業時間：星期一至六 11:30 - 22:00（實際時間以店家公告為準） 💡 建議：  👉 餐廳的菜式一般偏濃味，偏好清淡的話建議跟餐廳下備注 👉 12點前在外賣平台叫外賣，避開外賣高峰潮 #中環美食 #一起食堂 #外賣午餐 #香港美食 #台式麵食 #刀削麵 #麻辣…查看更多

中環街市附近有間幾好食嘅台式料理，佢最近仲新出咗個二人餐，可以揀兩個小食、兩個主食、兩杯飲品，仲有兩個迷你芋圓添，超級豐富😋 府城蝦卷 🥠炸得好金黃，入邊蝦肉咬落好彈口，仲可以點沙律醬添👍 鹽酥雞 🐥 呢個小食係必叫之一，同台灣夜市嗰啲有得媲美🥳 新鮮炸出嚟，好脆口，忍唔住成碟食晒😛紅燒牛肉麵 🍜傳統台式料理一定要叫紅燒牛肉麵，湯底就係個精粹，而當然牛肉質素都好好啦🤗花雕麻油雞湯麵 🍝呢個湯麵幾特別，用咗花雕麻油味所以更加香口 🐥 紅豆奶茶 🧋飲品就叫咗最鍾意嘅紅豆奶茶，仲可以減少甜添，香醇奶茶再配紅豆嘅甜味冇得頂👏仙草奶茶 🧋另一個都會推介嘅飲品係仙草奶茶，加埋仙草口感比較豐富迷你芋圓 🥣呢個套餐最吸引就係甜品既迷你芋圓😂 想食啲甜品又唔想食好大既份量就啱晒啦😉…查看更多

自從中環街市及大館成為文創新地標後，不時都有去行下，不過呢頭搵食就覺得偏貴，想食好啲既無兩三舊水都出唔到門口。今次響中環街市對面街搵到間台菜食堂，門面有少少東瀛風幾吸睛，平日晚市有九成入座率，望餐牌價錢都算合理。二人套餐 $268特濃豆乳雞烏龍麵+$5蒲燒鰻魚飯+$18滷雞翼大大份鹽酥雞+$8珍珠奶茶紅豆奶茶迷你芋圓仙草凍套餐包兩款主食，兩款小食，兩杯飲品及兩份甜品。餐點賣相唔錯，主食仲插住枝旗仔，有啲幽默金句。味道方面，豆乳湯底香濃，雞卷厚嫩；鰻魚雖然唔係原條，但份量都唔細，肥美中帶微微焦香，加埋隻溫泉蛋及味素，拌飯一流。滷水雞翼有4隻，滷到好腍好入味；而鹽酥雞份量真係大大份，加埋杯紅豆奶茶已經超滿足 ！最後仲有碗芋圓仙草凍，迷你都好大碗，足料又好味。本身套餐都有唔少唔使加錢選擇，不過加埋人均都唔使$150，餐廳無加一收費。BTW一路食一路聞到隔離枱碗麻辣力削麵勁香！可惜二人餐無呢個選擇，下次一個人黎食一定要試呢個！…查看更多

位於街角的「一起食堂」以其道地的台式料理吸引不少饕客，這次品嚐了花脂麻正雞麵、四寶飯、仙草冬瓜茶、凍仙草奶茶、燙青菜和芋圓仙草凍，感受到濃濃的家常風味與用心。首先是花脂麻正雞麵，這道麵食令人驚艷。雞肉軟嫩多汁，搭配濃郁的花生醬香，麻醬濃而不膩，與Q彈的手工麵條完美融合，入口滿是香氣，讓人忍不住一口接一口。湯頭清爽，帶點中藥香氣，增添層次感，令人回味無窮。四寶飯是另一亮點，包含滷蛋、雞翼、豬耳和滷肉，每樣都各有特色。滷蛋入味，蛋黃軟糯；雞翼滷得透徹，肉質滑嫩；豬耳脆彈，帶點嚼勁；滷肉肥瘦適中，醬汁鹹香濃郁，與白飯搭配恰到好處。份量十足，適合愛滷味的饕客。飲品部分，仙草冬瓜茶清甜解膩，冬瓜的甘甜與仙草的微苦達到平衡，喝起來清爽宜人，特別適合搭配油膩的滷味。凍仙草奶茶則是另一驚喜，奶茶香醇順滑，仙草凍Q彈，增添口感趣味，甜度適中，讓人一口接一口。燙青菜簡單卻不失風味，青菜新鮮脆嫩，淋上蒜蓉醬油，保留蔬菜的原味，健康又開胃。最後的芋圓仙草凍作為甜點完美收尾，芋圓軟Q有嚼勁，搭配滑順的仙草凍，甜而不膩，口感層次豐富，令人滿足。整體而言，「一起食堂」的料理以家常風味取勝，食材新鮮，調味恰到好處，價格親民。無論是用餐環境的溫馨感，還是每一道菜的用心呈現，都讓人感受到濃濃的人情味。適合三五好友或家人聚餐，絕對是尋找道地台式美食的好去處！…查看更多

曾經試過其他分店風味不減應該會成為我長期飯堂之一其實一碗魯肉飯就可以試出一間台灣菜嘅水準魯肉切得大粒重稱加埋酸菜食簡直絕配豬耳一入口麻香撲鼻隨之而來少少辛辣富有水準平時唔多食芫荽但佢喺呢度味道發揮得好好完全估唔到杯裝飲品紅豆奶茶即使用紙飲管塊膠都好易督茶味出眾紅豆味有層次再次嘗試嘅係花雕雞烏龍麵品質依然有保證麵質軟滑濃濃酒味襯托出紅棗杞子香厚厚雞肉滿足感up當然唔少得必食台式小食花枝丸粒粒圓潤表皮金黃…查看更多

花雕麻油雞湯麵藥膳嘅湯底，另上咗一杯仔花雕酒，配上冬菇杞子等等配料，十分足料，雞卷啖啖肉，肉質嫩滑，得略嫌麻油味唔算太重，但係咁樣會冇咁肥膩，健康啲🤓紅燒牛肉麵牛肉非常軟腍、分量仲好多有4、5舊。麵質係烏龍麵，非常掛湯之餘浸得耐都唔會腍哂非常正。仲有好多配料、紅蘿蔔白蘿蔔都大大舊，好滿足，營養都好平衡古早滷水拼盤（牛腱、雞翼、豬耳、魯蛋）以2人份量嘅小食拼盤而言都真係非常豐富。有4種食物分別係豬耳、牛展、雞翼同滷蛋。我特別鍾意牛展同滷蛋，滷蛋非常入味令我諗起去台灣旅行時每日都好想食嘅勁入味滷蛋。牛展都係非常驚艷，唔會韌而且非常有牛味！…查看更多

每次去中環開會，都會諗起要去呢度食個lunch好鍾意佢哋嘅＃花雕麻油雞面，花雕係嚟到先落，可以選擇喜歡嘅濃度，亦唔怕煮嘅過程揮發咗啲酒香，所以湯底仲有濃濃花雕香，而且用了十足雞件非常鮮嫩，可以睇得出店家嘅用心，面底亦都係爽口彈牙午市重可以加＄14飲台灣手搖飲品…查看更多

有朋自遠方來，打算入去赤柱行過圈。驚入到去冇嘢食，就索性係中環食埋先入去。喺中環一落車心血來潮想食台灣嘅，又俾我搵到一間喺附近咁就你試吓。叫咗一個飯一個麵同一客小食share，另外在嗌咗杯無糖仙草奶茶。啲仙草就預期之外，食落去有少少似涼粉。好彩其他熱食尚算振奮人心。啲老雞翼同豬耳好入味，滷肉飯亦肥瘦適中。個湯麵竟然係手打烏冬，雖然唔係台灣麵，不過我就冇乜所謂。個牛腱同埋牛肋條都好好食又夠大嚿又腍滑。貢丸就正常發揮。另外鹽酥雞係新鮮炸係熱辣辣粉漿好薄裏便啲雞肉超多汁，份量都好足食咗一半已經好飽。整體嚟講係中環呢個價錢呢個份量已經好滿足。…查看更多

喺中環街市附近，有一間特色嘅台日料理餐廳，裝修簡樸，彷彿去咗台灣夜市，點餐紙好台灣feel，又有台灣影視劇照，好有風味。佢哋主打台式食品，夾雜咗日式料理嘅元素，非常特色。1） 🐓花雕麻油雞湯麵- 擺盤好靚，花雕酒自行調配。 大大舊圓形雞卷，非常嫩滑。 配上麻油雞湯、紅棗杞子，好香好滋補。 採用烏龍麵做麵底，好特色2）🐂紅燒牛肉麵- 麵底都係烏龍麵，正宗牛肉麵嘅湯底，好濃郁，唔膩。牛肉炆得好軟淋，啖啖肉，好有牛味3）🥬肉燥燙青菜- 清新鮮甜，配上肉燥，非常夾4）🦐府城蝦卷- 小食之選，炸到金黃色，外皮酥脆，肉質煙韌彈牙😆，好有咬口 ，份量剛剛好…查看更多

今次同女朋友試呢間係中環嘅台灣餐廳，之前喺其他地方試過佢嘅分店，味道質素都唔錯，今次嚟中環呢間亦都冇令我失望～✅ 花雕麻油雞湯麵雞卷好嫩滑，一點也不柴；湯底加上圓肉和杞子，非常養生，另外可以按照個人喜好淋上花雕酒，我就淋晒，酒香濃郁✅ 紅燒牛肉麵牛肉麵嘅湯底非常濃郁惹味，牛肉大大件，少少連住筋嘅位置，肉質軟腍入味，非常好食✅ 古早滷水拼盤拼盤入邊有滷水牛腱、雞翼、豬耳同埋滷蛋。種類豐富，樣樣都可以試吓。牛腱好入味，豬耳又爽脆，極力推薦…查看更多

曾經食過呢間既牛肉麵覺得味道唔錯所以再黎。見到餐牌有蔥油雞肉飯，就諗起好好味既台灣雞肉飯，於是試下。黎到既時候有少少驚喜，無諗過有三小食同埋湯。不過碗飯既賣相麻麻，食落去雞肉既口感完全唔係記憶中既台灣雞肉飯，味道好淡，上面既蔥油又係無味，又好dry。唯一有味既係三個小食，因為佢地本身就有味既食物。而個湯就係落左好多胡椒粉既湯，得幾粒好細粒既冬瓜最慘係食到一半要人轉位讓俾新食客坐，之後發生左不愉快事件，因為係新食客好有問題，唔關食評事唔寫了。…查看更多

中環街市已升格為高級商場，與朋友閒逛這裡後，選擇了附近性價比很好的「一起食堂」台日式晚餐。我和朋友點了蒲燒鰻魚飯，府城蝦卷，吉列炸蚝，愛玉荔枝茶和仙草奶茶。蒲燒鰻魚飯，看照片已知道鰻魚烤得外皮微焦，裡面肉質又嫩又鮮，正宗的和風醬汁，搭上粒粒鮮明的米飯，流心蛋，喜愛日本美食的食客必定滿意。府城蝦卷，蝦肉新鮮，裹著的面皮炸得酥脆剛剛好，好吃。我是吉列炸蚝粉絲，蚝肉滿滿，炸得金黃酥脆，不油不膩，滿足。愛玉荔枝茶，清甜，喝起來清新又解膩。仙草奶茶，味道有层次感，结合奶茶和仙草的味道，口感清爽。食店在中環街市旁，位於中環最中心地帶，黃金地段，本餐只是248元，對比附近的食店價錢，這店在性價比和食物皆值得推薦。…查看更多

餐廳裝修簡潔台風 ，有好多懷舊海報，幾舒服。服務方面，店員都好nice，而且上菜速度好快，啱晒lunch time趕時間嘅打工仔。**主食**叫咗紅燒三寶牛肉麵+花雕麻油雞湯麵。紅燒三寶牛肉麵嘅湯底濃郁，牛肉、牛筋、牛丸都好入味，份量都幾多。花雕麻油雞湯麵嘅湯底好香，麻油味突出，雞肉都好嫩滑。花雕係另上, 建議落一半😊**小食**叫咗炸花枝丸同鹽酥雞share。炸花枝丸外脆內彈牙，好有口感。鹽酥雞就炸得香脆，調味啱啱好，唔會太鹹。**飲品**叫咗杯紅豆奶茶，甜度適中，紅豆綿密，好啱我口味…查看更多

昨晚和妹妹路經中環見到這間很別緻的台日式便當，便被他的和風裝修吸引入去了！第一次見有花雕酒的台式麵，妹妹便叫了花雕麻油雞湯烏龍麵，花雕酒是分開上的，配上大大件的雞肉和烏龍麵，妹妹食得津津有味😋😋而我始終如一，都是喜歡吃台式滷肉飯😆這當然唔夠啦！喜歡吃牛展，雞翼，鹵水蛋同牛耳的我，點少得古早鹵水拼盤，有齊我喜愛的四寶😋牛展大舊淡淡肉，雞翼同鹵水蛋醃得好夠味，再加埋飯後甜品芋圓仙草凍，佢真係落足料，好多芋圓同好多仙草。天氣咁熱，當然唔少得一人一杯夏日台式凍飲：愛玉荔枝綠茶同鳳梨綠茶🍹🍹非常滿足的一晚。難得在中環有一間如此平民價錢的台日式便當，值得再回味👍…查看更多