影片
更多
2018-01-04
11664 瀏覽
真係從來無諗過自己會黎中環食小菜,中環咁貴!不過朋友想食,仲要係米芝蓮推介wor~~即刻意欲大增!一間小菜館好食與否,叫個椒鹽xx就食到個火喉~~所以我地一口氣叫左椒鹽鮮魷同椒鹽九肚魚~~佢個炸皮做得好優質,好脆口,厲害gei位係層脆皮其實做到好薄,所以唔會點掛油~~睇真D,佢D椒鹽仲做到每一舊都平均分布,證明佢兜得好勻巡~~叫得"輝哥煎咸雞"應該都係推介gei朋友,所以我地都叫埋佢,其實視覺上佢同個名真係完全睇唔出有甚麼關係,不過!佢gei味道就話你知,真係咸咸地,佢D蔥花真係落得好梳爽,所以成碟菜色好惹味~咪睇佢油光閃閃,因為雞肉嫩滑,所以入口唔會好覺得佢好油,而且爆香左gei蔥花真係好入味,記得食埋D菜~欖角焗鮮肉排其實有D似豉汁蒸排骨,不過分別在於蒸同焗,當然蒸就會多汁D,焗就會香口又黏D~排骨選擇都唔錯,唔會有太多肥膏,o岩曬呢D鐘意咬咬咬gei人~配白飯之選~~自己本身好鐘意食豬潤見到好多人都話黎呢度一定要食上湯枸杞浸豬潤,所以我就order左~~屋企主要食炒豬潤多,湯浸都係第一次食,D豬潤無油脂,處理得好好毫無腥味.加上非常彈牙,好有口感~D湯又夠清,D菜索左D味變得味道
一間小菜館好食與否,叫個椒鹽xx就食到個火喉~~所以我地一口氣叫左椒鹽鮮魷同椒鹽九肚魚~~佢個炸皮做得好優質,好脆口,厲害gei位係層脆皮其實做到好薄,所以唔會點掛油~~睇真D,佢D椒鹽仲做到每一舊都平均分布,證明佢兜得好勻巡~~
叫得"輝哥煎咸雞"應該都係推介gei朋友,所以我地都叫埋佢,其實視覺上佢同個名真係完全睇唔出有甚麼關係,不過!佢gei味道就話你知,真係咸咸地,佢D蔥花真係落得好梳爽,所以成碟菜色好惹味~咪睇佢油光閃閃,因為雞肉嫩滑,所以入口唔會好覺得佢好油,而且爆香左gei蔥花真係好入味,記得食埋D菜~
欖角焗鮮肉排其實有D似豉汁蒸排骨,不過分別在於蒸同焗,當然蒸就會多汁D,焗就會香口又黏D~排骨選擇都唔錯,唔會有太多肥膏,o岩曬呢D鐘意咬咬咬gei人~配白飯之選~~
自己本身好鐘意食豬潤見到好多人都話黎呢度一定要食上湯枸杞浸豬潤,所以我就order左~~屋企主要食炒豬潤多,湯浸都係第一次食,D豬潤無油脂,處理得好好毫無腥味.加上非常彈牙,好有口感~D湯又夠清,D菜索左D味變得味道豐富,果然係必食菜色,連唔食豬潤gei朋友試完都話一D都唔腥唔似內臟,可以食多幾舊!
為左蔬菜系gei我,大家又叫多個上湯蒜仔浸豆苗,其實我覺得成件事應該係個上湯做得好,所以所有上湯XXX gei菜色都好優質,好清甜,就連有蒜頭都唔會覺得太濃味,仲令平時比較"菜"味重gei豆苗多一層味道,愈食愈開胃,我個朋友搞笑到連D湯都飲埋!!
張貼
