餃掂手工餃子雲吞專門店

靚餃～全部都係餃～今日介紹一間係位於中環區性價比極高嘅餃子店～餃掂睇開我專頁嘅，都知道我係中環區嘅打工仔，今日同同事兩個人OT完，佢就帶咗我嚟。龍鳳松茸雙灼餃～龍鳳松茸， 即係一半係白松露，一半係黑松露，我食落兩者分別唔算好大，有感覺白松露嘅菇味更加重少少，肉質非常滑溜。推薦湯餃，仲會配一碗狀元九鼎湯，味道好似喺屋企煲咗幾個鐘嘅蓮藕老火湯咁，足料又潤喉，飲完覺得好溫暖👍👍粟米豬肉餃～係一粒粒嘅粟米喺裏面啊，唔係粟米蓉，同豬肉混合嘅比例係一半一半，粒粒粟米都非常飽滿，好清甜！韭菜豬肉 煎餃～內涵非常實淨，好足料，外皮煎得脆口之餘，內裏仲有啲咇汁添蜜餞雞翼～雞翼雖然煮得比較乾身，但係腌得好入味，而且蜜糖豐富搭救，即刻Juicy返蜂蜜檸檬薏米水～我哋叫咗一支，店家俾咗兩個紙杯我哋share倒黎飲，蜂蜜清香，而且薏米煲得夠溶，夏日炎炎飲番杯清爽晒😃