魚治 (M88)

營業中

休息中

Bookmark咗一段時間既和牛三文治名店，總算比我食到🥰食物質素非常不錯，餐廳好有日式氛圍，酒類happy hour時段仲有買一送一優惠，好啱同朋友聚餐🫶🏻❣️厚岸生蠔非常不得了，好rich好fresh，蠔味超濃！雖然細隻啲，但呢個size 48蚊價錢相當合理，食完一輪忍唔住encore！❣️和牛三文治❣️燒A4和牛❣️厚切牛舌和牛三文治唔錯，麵包脆口和牛軟嫩Juicy，但sauce略嫌重手，蓋過咗和牛既肉味。燒和牛反而有驚喜，燒得啱啱好有淡淡焦香，恰到好處既調味更帶出和牛香甜🥰牛舌就普通，有啲淡但口感不錯。❣️海膽三文魚籽mac & cheese好creamy好邪惡既mac & cheese，面頭焦焦地好香口，同三文魚籽海膽亦非常夾🫶🏻應該要加個額外海膽既option😂四個人好難分❣️櫻花蝦豆腐唐揚外脆內軟既櫻花蝦唐揚豆腐，口感輕盈又豐富。仲有蟹肉同三文魚籽做搭配，非常滿足🥰❣️和牛鵝肝壽喜燒和牛好高質，入口即化，配埋壽喜燒湯底食落仲有鮮甜既牛肉味😆鵝肝就唔係幾食到，懷疑我地煮太耐搞到溶咗😂❣️上湯玉子燒❣️蓮藕配松露鹽呢兩款小食就不過不失。作為小菜清清味蕾都係唔錯既選擇。❣️燒鰹魚免費小食超有驚喜！