四季常餐 (德輔道中)

營業中

休息中

中環區好食又抵食既外賣真係十隻手指數得晒 其中一間我和味龍非常推介既係《四季常餐》 顧名思義 佢地主要係賣常餐今次叫既係「真 · 忌廉雞湯通配火腿」配招牌炒蛋+多士 真係冇呃我 通粉既湯底堅係濃郁既忌廉雞湯 我飲到一滴都冇淨 而炒蛋香滑 蛋有蛋味 似係日本蛋值得一讚既係送到黎d食物依然係熱 多士亦唔會因為焗得耐而變得難食 而因為通粉同湯底係隔開左既 所以d通粉唔會浸到稔另外佢地既茄牛通同沙嗲牛肉公仔麵都好出色 不過前一晚食得太多牛所以今次冇嗌到 茄牛通個湯底好惹味 次次食都飲晒個湯底 係略嫌偏酸 未必人人接受到 而牛肉亦食得出係偏靚既牛肉 而沙嗲牛肉公仔麵牛好嫩滑 食落新鮮 唔似坊間部分茶餐廳咁為節省時間同成本而用罐頭沙嗲牛肉 而沙嗲醬有花生香味 好香好濃郁