影片
更多
2025-03-20
0 瀏覽
難得生日月都想慰勞吓自己，平時成日都食西餐，好少食中餐，諗住搵一間精緻中菜滿足吓自己嘅口腹之欲。而唐述都不負我望，帶到好好嘅體驗俾我。我覺得餐前酒飲champagne搭配前菜食相當之合拍，相當開胃。‣ 世味人生 $1388· 慢煮泡椒蟶子皇蟶子皇一上枱就自帶貴氣，幾鍾意泡椒本身嘅微辣同埋酸香，入口鮮甜得嚟又帶啲刺激，冰涼嘅口感相當開胃，作為前菜嚟講好惹味。· 草莓醬淮山、柑橘梅子番茄、香辣凍花甲柑橘梅子蕃茄嘅柑橘味好重，但係你仍然食到蕃茄嘅鮮甜。而淮山入口就相當綿滑，而花甲嘅辣我覺得係啱啱好，刺激到個味蕾，但係又唔會過火咗。· 金腿雪燕甜豆芙蓉羹金腿嘅鹹香搭配雪燕嘅滑溜又係別有一番風味，而甜豆令到芙蓉羹更加鮮甜，飲落相當滋潤，每一粒豆都展現到本身嘅香味，絕對唔可以將三色豆同佢比。· 脆皮海參、鵝掌海參外層炸得脆口，咬落去依然嫩滑多汁，個口感層次好豐富。鵝掌就燜得軟腍入味，肉質相當juicy又充滿骨膠原嘅感覺，醬汁我覺得味道啱啱好，濃而不鹹。· 珍寶珠珍寶珠係人蔘蜜糖，一入口嗰陣嗰種甘苦嘅味道就湧埋嚟，但係真係做到好refreshing 嘅感覺。桃膠咬落去軟滑得嚟又有少少彈性，令到個口感
‣ 世味人生 $1388
· 慢煮泡椒蟶子皇
蟶子皇一上枱就自帶貴氣，幾鍾意泡椒本身嘅微辣同埋酸香，入口鮮甜得嚟又帶啲刺激，冰涼嘅口感相當開胃，作為前菜嚟講好惹味。
· 草莓醬淮山、柑橘梅子番茄、香辣凍花甲
柑橘梅子蕃茄嘅柑橘味好重，但係你仍然食到蕃茄嘅鮮甜。而淮山入口就相當綿滑，而花甲嘅辣我覺得係啱啱好，刺激到個味蕾，但係又唔會過火咗。
· 金腿雪燕甜豆芙蓉羹
金腿嘅鹹香搭配雪燕嘅滑溜又係別有一番風味，而甜豆令到芙蓉羹更加鮮甜，飲落相當滋潤，每一粒豆都展現到本身嘅香味，絕對唔可以將三色豆同佢比。
· 脆皮海參、鵝掌
海參外層炸得脆口，咬落去依然嫩滑多汁，個口感層次好豐富。鵝掌就燜得軟腍入味，肉質相當juicy又充滿骨膠原嘅感覺，醬汁我覺得味道啱啱好，濃而不鹹。
· 珍寶珠
珍寶珠係人蔘蜜糖，一入口嗰陣嗰種甘苦嘅味道就湧埋嚟，但係真係做到好refreshing 嘅感覺。桃膠咬落去軟滑得嚟又有少少彈性，令到個口感又多咗啲層次，感覺都幾養生幾滋潤。
· 脆鱗馬友魚
咬落去外皮炸得啱啱好，魚肉嫩滑鮮甜，完全冇腥味，底部搭配蔥油醬，幫到魚肉提鮮之餘，將個香味發揮得淋漓盡致。而我最鍾意係佢用米紙代替魚鱗，咬落去嘅時候真係感覺到好似魚鱗嘅口感，個方法好有創意，而食落個口感同味道都冇得輸。
· 茅台鮮蠔屈雞煲
當專人處理完嘅時候，熱氣騰騰嘅煲仔開咗蓋，你就聞到撲鼻而嚟嘅茅台酒。雞肉炆得軟嫩入味，肉質相當juicy。而我嘅欣賞佢嘅蠔真係做到入口即化，隻隻都相當之肥美鮮甜。
· 花膠甘栗珍菌炆飯
甘栗本身咬落去相當之甜，真係幫到個炆飯昇華，同珍菌嘅濃香好夾。啲飯粒吸晒湯汁，粒粒分明又juicy，食落好有層次。我幾鍾意佢將養生食材同飯結合，食完唔會覺得油膩，反而有種舒服嘅飽腹感。
· 萬壽薑茶鴛鴦湯圓
湯圓皮薄餡靚，咬落去軟糯彈牙，其中一粒咬落去有椰絲，我覺得相當驚喜，另一粒就係大家都會鍾意嘅芝麻。甜度啱啱好，唔會太濃膩。薑茶暖笠笠又帶點微辣，飲落去暖胃又解膩，幾鍾意佢薑茶滲出嘅溫潤感覺，幫呢一餐完美畫上句號。
張貼
