珺

營業中

休息中

純素這回事，本來就係「厭尖」嘅飲食態度，出發點多數係源於信仰及修生養性，堅持食材入饌無蛋奶無五辛。不過健康風氣盛行，人人偶爾想「從良」食吓素，嚴格講就係eat clean或蔬食go green。不過莫論出發點為何，純素要兼顧味道、賣相及健康，其實都幾高難度。食素唔想伏建議都係要聽朋友推介。呢間喺老蘭威靈頓大廈嘅新派素食，結合中菜式同法式嘅食材運用同靚靚攞盤，望得開心。食材配搭新穎，呢個價位走fine dining 路線。聽講每星期都會轉menu，不過對我呢啲偶爾先茹素嘅門外漢嚟講，經已相當花多眼亂，睇相樣樣都咁精緻，仲有生酮同高蛋白friendly之類嘅options，都幾up trend！頭盤-海葡萄佐柚子芥末醬油主菜-純素椰子寧鳳尾蝦-羊肚菌白甘筍燒豆腐-雞頭米雙色淮山配青汁甜品-生磨蓮子露整體三款主菜都咁鍾意，特別係個鳳尾蝦，炸粉薄薄一層甜甜哋好開胃。另外個豆腐都好出色，油香得嚟有羊肚菌嘅香氣。