珺

營業中

休息中

大家年初一想出街食素菜午飯，就諗起依啲時間出中環可能仲冇咁多人，所以就嚟依度食，仲要本身地點響蘭桂坊隔離，由地鐵站行上嚟都唔係遠。同埋本身裏便好多窗光猛開陽，裝修亦都唔錯，所以響呢度食午餐感覺都特別精神爽利。但係掛住食真係唔記得叫咗啲乜嘢菜，淨係記得呢度個數叉燒做得又靚又好味，從來都唔會失望。佢個栗子煲就係穩陣之選，唔會點樣失手，味道亦都唔錯。素咕嚕肉又係另外一個一定會叫嘅餸，都係因為佢整得又脆又好味。豆腐又係另一個穩陣之選。佢個炒飯味道都好香，飯粒都好有咬感，唯一係個份量希望可以多少少。剩返呢個唔記得咗係乜嘢餸，淨係記得都係好味嘅。

朋友表示過年吃得飽飽濟濟，提議吃齋菜，適逢大年初二，中環附近營業的餐廳不多，幸好朋友是「地頭蟲」，帶我們來到「珺」這間齋菜館可能我本身也喜歡吃素，所以餐牌內的款式雖然不多，但似乎又每款都很吸引。大家都一致地比較偏好真正的蔬菜，所以素肉類就不是我們主要的選擇「牛油果素蟹肉釀蕃茄」($128)這個每日限量的菜色很精緻，牛油果的份量比較少，少得我們笑說幾乎都找不到出來，但味道很新清，算是不錯的前菜「秘制酸辣湯」($168 / 窩)酸辣湯的酸辣味道平衡得非常出色，甚至比起很多上海菜館的酸辣湯調整得更好，如果湯內的材料份量多一點，整體口感會更佳「君子炒飯」($158)炒飯閃亮亮的，炒得粒粒分明，這個水準絕對合格「XO醬野菌炆新竹米粉」($138)因為是XO醬，味道比炒飯濃郁惹味一點，但醬料不重，吃起來感覺很輕盈「雙色蘆筍鮮百合炒素魚翅」($158)雙色蘆筍是青蘆筍及白蘆筍，再加上百合，因為材料已經是我的最愛，所以個人非常喜歡「炒四色椰菜西蘭花」($148)看名字就覺得好奇，四色會是甚麼蔬菜，顏色豐富、賣相漂亮「羊肚菌白甘荀燒豆腐」($158)燒豆腐的火喉掌握得很好，外香內嫩，配上味道恰到好處的醬

訂咗今日1點準時去到，人手唔夠 等咗一段時間先有人出嚟帶位 🙄🙄🙄一個人只可以叫個炒飯 + 蓮子露 🤤🤤🤤點知等到我差啲瞓著 🥱🥱🥱 (超過半粒鐘以上) 個炒飯都仲未到 😭😭😭終於忍唔著問其中一位職員 果位哥仔話幫我睇睇 🤨🤨🤨跟著有位高級亞姐話整緊 😒😒😒我已經諗到應該沒落單 😑😑😑到最後幫我落單那位小姐真係同我講漏單 😡😡😡電腦落單都會漏 😱😱😱無限期望 變 無限失望 🤬🤬🤬🤬🤬🤬都係我唔啱，既然呢間屬於東方素同group我唔應該去幫襯 (因為上次東方素啲服務，環境，食物都係差 🙊🙊🙊)我知錯了，睇啲食評話佢差，我仲抱期望去食，等咗差唔多成個鐘都沒得食，餓著離場 #諗著去發掘新地方帶兩位老友記嚟，點知 ……#係咪見我一個人低消費所以歧視IGNORE我#中環區 + 中上價錢 + 劣質服務 = 不用幫襯 #見字唔好去幫襯#永久BLACKLIST

行過珺嘅門口，已經聞到陣陣誘人嘅香味🍽️，忍唔住咋。今次黎到呢間素食餐廳，叫咗幾款招牌，一啲都唔俗！首先嚟碟華爾道夫沙律，食落爽口開胃，清新脆口嘅西芹同蘋果粒，定心提子乾同車厘茄，醬汁甜意伴隨芝麻香，頂級嘅小食頭盛。湯品方面，個野姜甘筍湯有種微微嘅酸味，暖笠笠；而百合洋薏米素湯，好似家媽熬嘅家常湯水咁，熱辣辣，好舒服呢。玫瑰叉燒嘅主菜，真係教人跌破眼鏡 – 酥脆嘅外皮包住甜度恰到好處嘅豆製品，真係諗住一試再試。至於薑米橄欖油西蘭花苗唔食辣版，清新嘅口感喺舌尖上輕舞飛揚，健康得嚟又夠味。意粉啦，法式紅汁杏鮑菇筆尖意粉吃落去酸酸甜甜，連我啲唔愛番茄醬嘅朋友都大讚，喺濃郁嘅口感下咁溜滑嘅意粉細膩入味。至於最後嘅君子炒飯，攤開嘅大粒米飯略顯油膩，但見得多搭得齊。埋單之前，嗌埋杯茶，係這次食之旅嘅完美句點，珺，呢个素食天堂，定會再黎嘅🥢🌱！

聖誕節帶媽咪試中法fusion素食，餐廳坐落中環黃金地段，但價錢一啲都唔貴，服務好環境舒適，不過食物就一般般，但都可以一試。🥢雞頭米雙色准山配青汁 $128 ⭐️⭐️因為未試過紫准山，而且見賣相靚兼份量少，所以叫咗嚟試，整體而言係清淡，無論係茨實或准山，甚至青汁都無乜味，適合健康人仕。🥢玫瑰叉燒 $128 ⭐️⭐️⭐️賣相靚，味道都唔錯，玫瑰味蜜糖味恰到好處，叉燒口感有齊脆同腍兩種，其實兩種都ok，不過略嫌腍叉太過麵筋，唔太模仿到真叉燒口感。🥢栗子准山美國椰菜仔鮮腐竹煲 $128 ⭐️⭐️⭐️⭐️呢個煲睇落好似無乜特別，但其實好送飯，可能個汁幾好味，令無乜味嘅准山同豆卜都入晒味，椰菜仔澀味亦減低，而且栗子香甜，全晚最好味嘅一個餸。🥢白飯 $18二人共消費：$442

啱啱去咗間餐廳嘗新意素食，真係一次舌尖上既新鮮旅程🍅🍄🍚。選左幾樣菜式，每一樣都令我驚喜萬分。先講講嗰個仿蟹肉釀蕃茄啦，蕃茄真係爽口得嚟，個釀造嘅玩意超似海味，新鮮感爆燈！煎素帶子就真係做到一個金黃脆皮，內裏又嫩，食落去質感好正。至於湯品，那個湯菌燉湯濃郁香菇味，暖笠笠嘅，好適合過個胃。素翅雖然比較一般，但咸淡啱口，順滑得嚟。主菜方面，叉燒猴頭菇啲焦糖味道，望落就好似韓燒咁香！素蝦腐衣外面千絲爽脆，裡頭有款有式。再講吓嗰兩款主飯，個意大利飯做到啱啱好，粉絲帶來意想不到嘅咬口；君子炒飯松香味，雖則油了少少，但材料豐富，唔會膩。最後，甜品環節嚟啦！燕麥奶得意得嚟，面卜下面嘅又軟又煙韌，真係得意極了；而個朱古力蛋糕就夠哂味，但又唔會過於濃重。總括來講，成個體驗順心，服務員介紹都得體貼心，擺盤靚仔，食物又真心好味。就係啲位細細哋，但總係一間值得一試再試嘅好地方！

同事推薦呢間好適合食商業午餐既素菜餐廳🥬 環境舒服又寬敞 .Lunch Set ($168) 好豐富😋 包括頭盤、湯、小食、主菜同米飯主菜份量都幾大份 一個人都差D食唔哂😆.｜萵筍雲耳ＸＯ醬辣辣地 非常開胃～ 但唔食辣既同事就覺得偏辣🌶️.｜桃膠雪耳粟米豆腐湯味道豐富又足料 雖然無肉但都好香好甜😋.｜秘汁杏鮑菇厚切既杏鮑菇好juicy.｜玫瑰叉燒叉燒汁醬好濃郁 食落有肉質口感~ 偏濃味 好岩送飯食🍚.｜桂花柚子猴頭菇食落好似咕嚕肉 但味道偏甜同埋外皮炸得好硬 比較難咬😣 .｜藜麥飯 / 椰花飯

珺係一間無五辛、無蛋奶嘅素食餐廳，之前黎過high tea，今次就試下佢嘅午市套餐。店員服務態度好好，因為家人唔食得辣，而我又冇留意到宮保金皮酥係辣嘅，其中一位店員知道後好好咁幫我哋換成唔辣嘅薑米橄欖油西蘭花苗。商務二人套餐 ($398)頭盤華爾道夫沙律醬汁類似日式芝麻醬，配料有西芹、蘋果粒、合桃、提子乾、車厘茄。湯野姜甘筍湯味道酸酸哋，薑味唔重。百合洋薏米素湯湯底嘅味道似平時飲嘅粟米豆腐羹，幾好飲。主菜玫瑰叉燒口感好香脆，就算放涼咗仍然保持脆度，食落甜甜哋，似蜜糖嘅甜。薑米橄欖油西蘭花苗宮保金皮酥初頭以為係酥皮整成嘅小食，點知原來係類似煎素魷魚嘅菜式，口感有少少爽。法式紅汁杏鮑菇筆尖意粉番茄醬汁好好食，酸酸甜甜，質感creamy，配料有粟米、椰菜、青豆粒、杏鮑菇等。

今日同朋友四個人一齊去呢間位於中環嘅素食餐廳🥰 食物選擇有好多，多到花多眼亂，唔知揀邊樣好🤤我哋嗌咗兩款唔同嘅湯，一款係南瓜中，另一款係松茸湯。松茸湯竟然係用茶壺去裝，咁樣斟出嚟好得意😋餐廳每碟嘅份量都唔算好多，所以我哋可以試食好多款唔同嘅嘢💪🏻💪🏻💪🏻特別推介叉燒同埋黃金腐皮，兩款菜式嘅調味都做得好好😍飯類我哋嗌咗一個冬陰功意大利飯同埋炒飯，炒飯質素好高，炒到粒粒分明！最後我哋唔夠喉，仲嗌咗四個甜品☺️ 嗌咗一個薑汁牛油果甜品，入口順滑，估唔到牛油果同薑汁加埋咁夾❤️ ，酥炸燕麥奶就正常發揮，最好食係焦糖芝士脆餅🤤用餐體驗：❤️❤️❤️❤️（5分滿分）

每逢喜慶日子港女家都偏好吃素，所以今次來到 🍽️珺 Emerald🍽️ 這家素店慶祝。🎉🎉Table for 6️⃣1. 玫瑰叉燒🌹 $118味道不俗，但略缺少香脆的口感。下次再share港女心目中No.1的素叉燒 2. 桂花柚子拔絲猴頭菇 💐 $118在素店老是常出現的一道菜。師傅有架勢，炸粉不太厚，猴頭菇烹調後味道變得酸酸甜甜，好開胃。3. 鴛鴦芝蔴大樹菠蘿荷塘蓮藕🪷 $168這道菜是手工製作的，賣相靚又好食。4. 羊肚菌白甘筍燒豆腐 🍲 $138原來平時煲湯既羊肚菌都上菜，羊肚菌好味～5. XO醬野菌炆新竹米粉 🌶️$118平實的炒米粉，可以的～6. 竹笙百合花子浸時蔬 🥬$108上湯煮時蔬，絕不會失手！餐廳員工服務一流，用餐後食埋個蛋糕，家人都很滿意。

同事午餐飯聚，walk in 所以只能夠坐近廁所，但都無大問題。落單嘅時候好趕急咁，催到人都癲食物嚟到嘅時候，隨手擺低，但其實兩張枱唔平，個碗就嚟跌咁 我理解嘅，樓面得兩個人跑咁多枱，但真係好需要改善，如果唔係對唔住個價錢同裝修。。。但食物真係好優秀，會因為美食再光顧，玫瑰叉燒好驚喜，有燶邊效果，好好味🤩 兩份甜品都值得一試，炸燕麥奶真係好新奇🥰整體都算滿足嘅一餐，下次應該訂位咁就更perfect🙂

總評分：2.5/5首先講優點，玫瑰叉燒實在好食脆口，素叉燒煎得好好鬆化，有淡淡的玫瑰香味，食落甜甜地，唔會甜得好過分，恰到好處⋯⋯95分不過聽其他師兄講，唔係次次做得好好食，有時師傅整到好un, 咬唔開，不過今次係好好食嘅，唔知係咪撞手神💬🌱🌱可以媲美到x姐廚房的素叉燒水準，可能要睇師傅又冇心機做，今日入去我係第一個客👌👌🕤可能有時間慢慢整。不過11:30am早上上去嘅客人要小心，因為11:26am都未到11:30am電梯不能上, 入咗兩部lift，前後撳咗四排掣入極都入唔到，以為自己有問題🤨最後入去管理處問先知道，要搭正11:30先開⋯⋯呢方面可能餐廳要預早要通知客人。我點咗兩個午餐，每位$168😊加埋甜品， $439。純素希臘沙律：完全冇希臘沙律，成件事都唔係太關事，no Greek yogurt , 睇唔到食唔到秘醬杏鮑菇：入味嘅，還可以，不過唔係太大驚喜雪𥚃冬瓜獅子頭：獅子頭還可以，切開一半，獅子球，份量太少，冬瓜未煮冧，爭少少兩個套餐點咗椰花飯，比較水水地，唔係乾身嘅，味道冇乜，估計係用啲上湯煮。純素蛋糕🍰：太硬，本人未識欣賞，放咗10分仍然硬到十足，鐵匙羹都彎埋。脆皮燕麥

我同男友都好喜歡到“珺”吃素，環境乾淨舒適，店員態度友善，食物質素高，雖然係素食餐廳，但菜式種類選擇都幾多，食物入口唔會過份清淡，味道濃淡得宜，恰到好處，好多菜式都非常美味，特別係招牌玫瑰素叉燒，外脆內軟，食落好有叉燒的質感，甜甜地，作為開胃前菜真係一流！連本身係食肉獸嘅男友都覺得好好好味，間唔中就想去食估唔到原來素食都可以咁好味！我哋之後都有幾次分別約左唔同嘅朋友去幫襯，食物水準都保持得好好，朋友們都不約而同地覺得驚喜！新年期間佢哋仲有素盆菜，都係好足料好好味，絕對係令人一試難忘，又會念念不忘的高質素菜！

在現今的素食餐飲業中，比較有質素的素食餐廳可謂少之又少。但當試過“珺”之後，這幾年幫襯後，無論親友或本人也絕不後悔，反之好感一直有增無減，而有時為了解開思念之苦，自己一個人也會去進食，可想而知有幾好食及吸引！

慶祝生日飯環境坐得舒服，食物水準高，有好多fusion 菜式選擇，份量係一般女士食量，吞拿魚撻值得推薦，我地4人，全部都係叫有皇冠既菜式，所以樣樣都覺得幾好，但甜品略為遜色，牛油果 果款甜品偏苦，芝士蛋糕正常味道