玉桃軒酒家 (鱷魚恤中心)

營業中

休息中

之前食過玉桃軒嘅銅鑼灣店，覺到得好好味，今日嚟到觀塘，決定同朋友食多一次。今次叫嘅食物同上次唔同，人多咗，可以叫多幾款唔同嘅食物。首先必叫嘅片皮鴨，上次人少少怕食唔晒唔敢叫，未切嘅時候成隻片皮鴨閃令令，望落脆卜卜。唔夠幾分鐘，佢就俾人片左皮，上左我地枱了。兩大蘢嘅熱薄餅，同埋甜醬配菜，自己慢慢包，好有風味。然後不得不講佢嘅燕窩芺蓉花膠羹，上次試過佢嘅花膠湯，好回味，今次人多就叫佢嘅花膠羹一樣咁好味跟住輪到佢嘅雞煲，上枱嘅時候超級熱，香味四溢，舊舊肉，又夠滑。為咗食佢，飽飽都要叫多個白飯一齊share，咁食就最正。最后我哋叫咗幾款甜品黎試，個個掛住食唔記得左影相添😅個人覺得佢嘅椰汁百合燉雪蛤幾正，諗返都想食多次。