夏麵館 (荷里活廣場)

營業中

休息中

朋友好鐘意食中式，所以我地不時會去夏麵館，我地個日點左雞絲粉皮、皮蛋拌豆腐、三鮮湯年糕同酸辣湯麵。雞絲粉皮好開胃，花生醬調得啱啱好，唔會太濃同太油，雞絲尚有雞味，而且條條唔同，似乎真係手撕出黎。粉皮透明晶螢，質感又滑又爽。皮蛋拌豆腐一樣唔錯，豆腐好滑，配合冰涼嘅皮蛋，令人胃口大開。至於酸辣湯面湯底唔算辣，但味道幾好，面質吾會太軟，算係不過不失。最後食嘅係每次必點嘅三鮮湯年糕，湯底味道鮮甜，年糕彈牙，再配合雞肉、蝦仁及金華火腿等配料，的確令人食指大動。再加上不同嘅菜，整體感覺好健康。