影片
更多
2018-02-15
192 瀏覽
放左工，就叫埋啲同事一齊去食中菜，上網見到呢度有爆炸糖X片皮鴨，好似幾特別就去左食下，中菜就好，可以叫幾道餸大家開心SHARE，分甘同味。餐廳就係海港城入面，都算幾易搵，我地去到，環境幾清幽，出面仲可以望到海景，好浪漫。我地就叫左幾道餸，分別係呢度最有名既片皮鴨(不得不吃)、磯煮鮑魚、獅子頭、撈汁秋葵、黑松露和牛粒、蠔仔泡飯、蝦湯海皇泡飯。咁多野食，真係大飽口福。先黎既係涼盤，可以開開胃，就係磯煮鮑魚同撈汁秋葵。我第一次食凍既鮑魚，醬汁味幾香濃，而鮑魚質感好彈牙。撈汁秋葵幾清新，仍然KEEP到秋葵原本既味道。獅子頭就有飯另上，幾精緻，獅子頭醬料味道幾濃郁，又唔會過鹹，而且有飯可以拎黎撈汁，都幾正。而家就要講下片皮鴨，侍應好用心講解一下食法比我地聽，鴨既唔同部分都有佢唔同既食法，包片皮鴨亦有分中式食法(青瓜條、蔥絲、傳統片皮鴨醬)同西式食法(爆炸糖、山楂條、藍莓醬)。個人比較鍾意中式食法，好傳統。而西式食法有佢既獨特之處，比較甜。片皮鴨油香味十足，但又唔會好肥膩。黑松露和牛粒都好值得推介，黑松露味好濃郁，和牛粒好嫩，牛味都幾濃，仲時不時夾到啲鵝肝粒粒，好驚喜!蠔仔泡飯同蝦湯海皇泡飯我都食
餐廳就係海港城入面，都算幾易搵，我地去到，環境幾清幽，出面仲可以望到海景，好浪漫。
我地就叫左幾道餸，分別係呢度最有名既片皮鴨(不得不吃)、磯煮鮑魚、獅子頭、撈汁秋葵、黑松露和牛粒、蠔仔泡飯、蝦湯海皇泡飯。咁多野食，真係大飽口福。
先黎既係涼盤，可以開開胃，就係磯煮鮑魚同撈汁秋葵。我第一次食凍既鮑魚，醬汁味幾香濃，而鮑魚質感好彈牙。撈汁秋葵幾清新，仍然KEEP到秋葵原本既味道。
獅子頭就有飯另上，幾精緻，獅子頭醬料味道幾濃郁，又唔會過鹹，而且有飯可以拎黎撈汁，都幾正。
而家就要講下片皮鴨，侍應好用心講解一下食法比我地聽，鴨既唔同部分都有佢唔同既食法，包片皮鴨亦有分中式食法(青瓜條、蔥絲、傳統片皮鴨醬)同西式食法(爆炸糖、山楂條、藍莓醬)。個人比較鍾意中式食法，好傳統。而西式食法有佢既獨特之處，比較甜。片皮鴨油香味十足，但又唔會好肥膩。
黑松露和牛粒都好值得推介，黑松露味好濃郁，和牛粒好嫩，牛味都幾濃，仲時不時夾到啲鵝肝粒粒，好驚喜!
蠔仔泡飯同蝦湯海皇泡飯我都食左少少，蠔仔泡飯比較清甜，蠔味好突出，而蝦湯海皇泡飯味道較為濃烈，兩者都有佢地既可食之處。
最後又點可以唔食甜品呢? 我就食左個楊枝甘露，酸酸甜甜幾開胃，入口仲有好多果肉，用料非常豐富。
成餐飯都好滿足，好回味。仲有，呢度既侍應服務態度無得彈，好有禮貌。
張貼
