陳新記

營業中

休息中

又到年尾，依中國雞脾打人牙骹較既傳統，又係各個公司請客户食飯既季節。今次就被請到去鴨利州既市政大牌檔食午飯。 咪以為好頹丫，其實係一餐超豪海鮮宴！因為呢到係鴨利州，呢個市政大廈既週邊同地下都有好多海鮮檔，所以會有好多人買埋海鮮帶上去加工。呢間陳新記煮海鮮的確有一手，最重要係蒸海鮮火喉夠，海鮮最忌蒸到表面太熟而入面太生，呢間無論海蝦、飽魚、炒蟹、扇貝等等都恰到好處，配料恰當唔會搶走海鮮既鮮味，最後食既炒飯亦粒粒分明不過其實食既時候都會反思讀書時批評中國請客既歪風，主人家明知食物份量係多出客人食量既兩三倍，而食既我亦食得唔自然，到底呢檯餐桌上既海鮮係咪死得不明不白呢