第一次打食評因為實在係太差嘅經驗，希望大家唔好中伏！
同朋友兩個人附近揾韓國嘢食，見呢間坐滿人，評分又唔差就諗住試下。
我地嗌咗海鮮豆腐湯、海鮮煎餅同炸醬麵。嘢食全部都好油，味道好一般，海鮮湯入面啲蜆有沙，蝦又霉。海鮮煎餅完全無味，只係好油膩。我地食到一半已經肚痛，食完大家都即刻揾廁所又屙又嘔😓
海鮮唔新鮮，衛生情況好一般，亦完全無服務可言！簡直係貼錢買難受！絕對無下次！未試過食完一餐飯咁辛苦咁嬲！！！😠😠
以上食評乃用戶個人意見 , 並不代表OpenRice之觀點。
1
用餐日期
2024-12-13
等候時間
10 分鐘 (堂食)
人均消費
$170 (晚餐)
