南대門3號

營業中

休息中

坐落於尖沙咀繁華區，這裡的韓國餐廳散發著溫馨氛圍，現代室內裝潢以木地板和豪華座位為特色，是一個理想的聚會場所 🇰🇷 〘 豬肉拼盤 〙品嚐韓式豬肉燒烤套餐，包含豐富的招牌菜品 - 嫩美豬腩肉、豬肚肉、豬頸肉和醃製薄豬肚，搭配泡菜或黃豆湯。我們最愛的醃製豬腩肉（看起來像培根），由親切的韓國服務生在桌上烹煮，烹煮得恰到好處，金黃誘人。〘 水冷麵 〙品嚐水冷麵，這道地的冷麵菜式包含有彈牙的麵條、新鮮黃瓜和蛋，浸泡在微妙調味的涼湯中 - 是夏日的絕佳享受。〘 韭菜煎餅 〙品味韓式韭菜煎餅，邊緣煎至金黃酥脆，提供美味簡約和地道風味，毫無虛飾 - 是最棒的韓國街頭美食體驗。📍南大門 (尖沙咀)尖沙咀金巴利道65-67號太平洋大廈地下2號舖

如果想喺香港食到正宗嘅韓國味道，尖沙咀韓國街絕對係一個好去處！上星期我去咗「南大門✨」，呢間餐廳由韓國人主理，真係充滿地道嘅韓國風味。**春川炒辣雞🍗** 呢道菜真係好正！炒得香辣入味，雞肉嫩滑，仲有不過既嘅蔬菜，口感非常豐富。份量非常多，幾個人食都夠😋。**雪濃湯🥣** 韓國傳統嘅雪濃湯，味道豐富，飲落去暖心暖胃。牛肉入味夠嫩滑，香氣四溢，配合白飯食真係一流。**水冷麵🍜** 夏天食呢個真係最啱！麵條滑順，湯底清爽，仲有幾片清新嘅黃瓜同雞蛋，食落去好消暑。特別適合喺熱天時食，用來解渴又好味！整體來講，「南大門✨」真係值得一試，每一款菜式都好出色，令人忍唔住想再嚟！👍

when i walk across the street, there are many kr food in the kr street in tst. why i pick this place. becos the ajussi is very storng and handsome sitting at the front door. he doesnt speak chinese that ehy i kew him is a korea. a koreAn open a kr food place must not be so bad at least i believe. and their menu is very nice. emphasising without +1.price is normal 7x-8x, little exoensive bit acceptable.portion is big, i eated stone rice so full. taste is like kr, just a bit pale taste.will come b

第一次打食評因為實在係太差嘅經驗，希望大家唔好中伏！同朋友兩個人附近揾韓國嘢食，見呢間坐滿人，評分又唔差就諗住試下。我地嗌咗海鮮豆腐湯、海鮮煎餅同炸醬麵。嘢食全部都好油，味道好一般，海鮮湯入面啲蜆有沙，蝦又霉。海鮮煎餅完全無味，只係好油膩。我地食到一半已經肚痛，食完大家都即刻揾廁所又屙又嘔😓海鮮唔新鮮，衛生情況好一般，亦完全無服務可言！簡直係貼錢買難受！絕對無下次！未試過食完一餐飯咁辛苦咁嬲！！！😠😠

行完街搵野食，經過呢間鋪門口見個韓國人老板幾好笑容，咁就入咗去食，點知中哂招！鐵板五花肉！大伏！五花肉又細又瘦又柴！鐵板八爪魚，得幾條鬚，墊底嘅菜就超級多！最離譜係啱啱食完就收碟，收碗，收杯，跟住放埋張單喺枱面，再講出邊有人等緊位，叫埋單！講緊係岩岩食完放低筷子，啲員工就收野，老闆放低單，分工合作，行運流水，完全冇多餘嘅動作，精彩！服務態度超差，岩岩食完飲啖水都唔得，由坐低到走都無refill過杯水！

星期五晚上7:00冇訂位入嚟，得兩台客，坐到8:00開始有一半客人。叫咗個拼盤$900 ，有豬有牛。品質差，個韓燒爐唔夠力，好細火。四個大人一個細路，食咗$1170。牛肉和豬肉質素非常普通，比較韌。配菜唔係咁好食。幾位外籍店員服務幾好。地方坐得比較辛苦，張凳唔舒服，環境比較迫，周圍比較污糟。應該唔會再嚟食。香港係咪因為人工高，舖租貴，食物質素所以下降。另外提一提，廁所非常擠迫，沒有洗手液，水龍頭好似就嚟爛一樣擺嚟擺去。室內油煙機冇正常運作，完

服務超差。叫個店員refill 泡真，態度差爆！唔肯卑，一碟泡菜姐。仲要d野食無樣好食！快d執立！連基本小菜都整得無樣好食，完全唔係韓國菜一回事。未食過一個泡菜海鮮湯咁難食,好似食緊番茄既味道，完全唔係平時食既泡菜湯。永遠都唔有下次！咁垃圾既韓國菜第一次係香港食，仲要服務差到爆完全影響心情！最基本紫菜壽司飯都可以咁普通咁唔好食，仲要係韓國人開？係大陸食都好食過距。

下次不會再來這裏，特意來吃人蔘雞湯，湯沒有人蔘的味道，雞肉煮得太熟，沒味，乾燥。另外，叫來一碟牛肉鐵板燒，味道惹味，牛肉軟身，汁醬好味，還有蔬菜伴着，送飯挺好。看看你好不好彩，叫了什麼。

想食韓國嘢，去咗韓國舖頭，餐廳店面唔算好大，但係都坐滿食客，而且食物價格相宜，想食韓國嘢嘅時候嚟呢度會係唔錯嘅選擇。前菜有幾款：泡菜、西芹、芽菜炸醬麵$85同中式嘅炸醬麵唔同，韓式嘅炸醬麵用咗春醬，醬裏面撈勻咗啲肉粒，醬汁係偏黑色，亦比較濃稠，食落有啲甜味，好易入口。石鍋拌飯$92食韓國菜我最鍾意係食石鍋拌飯。用石鍋裝住嘅食材食落熱辣辣，配埋韓式辣醬、牛肉、各款蔬菜，食落好惹味，仲有脆卜卜嘅飯焦。韓式煎餃子$72餃子大大隻，煎得好香脆，但係一啲都唔油膩，咬落有好多肉汁。紫菜包飯$66紫菜包飯好足料有好多蔬菜，裏面包住雞蛋、紅蘿蔔、青瓜、腸等等，食完啲濃味嘅菜式再食呢道菜，感覺好清新。

行開韓國街應該都唔會陌生，呢間南大門有幾間分店分別主打韓國菜、韓國燒烤等，成日路過都見到呢個親切嘅韓國叔叔做招徠，去嘅時候店內滿座都好有禮叫我哋喺門口坐住等，仲有大風扇吹住添🤣🌀鐵板烤牛肉蓋飯 ($89)想食鐵板蓋飯但又唔食得辣就叫咗呢個，係醃好嘅牛肉片同埋一啲椰菜蔥炒成，肉份量都唔少，肉汁好適合撈飯食😙辣泡菜炒飯 ($82)呢個會辣同埋相對比較油膩，因為用咗豬腩肉一齊炒，望落好似冇乜料其實係豬腩肉收晒喺入邊🤣而且泡菜唔會太酸，不過我就期望係太陽蛋多過熟蛋😛海鮮煎餅 ($143)煎餅係比較薄身唔會好重麵粉感，上滿滿嘅材料同埋蔥，煎到有啲脆邊，不錯不錯~

-南대門3號-📍尖沙咀.尖沙咀的韓國街，南대門3號店面唔算大，不過都坐得舒服唔會好迫。前菜有泡菜、芽菜同埋萵筍，爽口開胃。.紫菜包飯($66)食韓式野必點的紫菜包飯，最簡單的餡料有紅蘿蔔絲、白蘿蔔、青瓜絲、蛋絲等，開胃又飽肚。.牛肉雜菜炒粉絲 ($90)牛肉的份量都唔少，加埋紅蘿蔔絲、洋蔥、木魚等爽口嘅食材。粉絲軟糯彈牙，而且炒得唔油膩，調味剛好。.鐵板牛仔骨 ($179)份量好多，每件都好大塊。沒有太多調味，食落微甜，簡單用鐵板煎香，牛仔骨好鮮味，肉質好嫩，筋位部份有點難咬。.

想食韓國菜🇰🇷必定要去尖沙咀韓國街門口餐廳Menu有齊韓國各式各樣菜式揀咗幾款都好有水準店內全場爆滿吸引不少食客落單後上菜有效率先來三款不同的韓式泡菜醃製得入味．而且唔會太鹹✨鐵板炒牛肉薄牛肉口感軟腍熱辣辣好惹味添加韮菜．洋蔥更提升味道同口感✨水冷麵水冷麵口感Q彈炎炎夏日．食碗冰涼冷麵係最佳嘅選擇✨紫菜包飯紫菜包著豐富餡料每件都好飽滿扎實份量充足．整體滿足又滿意👍下次一定要試熱辣辣有飯焦嘅石鍋飯

金巴利道呢頭可以話係韓國餐廳嘅聚集地，差唔多間間都食過🇰🇷呢間犀利，有1號2號3號，2號專做BBQMenu選擇豐富，飯、麵、石鍋類、小食煎餅都有前菜有泡菜、椰菜花、大豆芽菜▶️ 雜錦拌飯 ($85)比一般大碗，面頭超多蔬菜配料有紅蘿蔔絲、白蘿蔔絲、醃菠菜、大豆芽菜、紫菜碎🥕大部份調過味，唔會太清淡仲有少少韓式烤牛肉，唔多肥膏🐂撈飯食唔錯不過上面嘅煎蛋有啲失色，蛋黃過熟而且偏油米飯亦比較乾身🍚欠缺飯香同質感▶️ 炸醬麵 ($85)面頭超多炸醬🖤上枱聞到香豆豉味撈勻嗰下好爽，望住麵條慢慢被醬汁沾黑醬汁味道濃郁，少少甜甜地唔會過鹹麵條質感煙靭彈牙🍜如果加入青瓜絲或其他配料會更好▶️ 海鮮煎蔥餅 ($143)比預期中大好多，成個pizza咁大煎餅薄身，樣子有啲似潮州煎豪格上層香脆，底層有煙靭嘅薄餅粉漿👍🏻唔算非常油膩或太厚粉材料亦足，咬到好多章魚粒🐙當然唔少得香口嘅香蔥同韭菜醬汁好配襯，應該係甜豉油溝魚露，食落鹹鹹甜甜，一定要點！-主食水準ok，冇話特別好食不過海鮮煎蔥餅有驚喜😍值得一試 (本身夠3-4人分)環境一般，星期六晏晝嚟到都唔少客人，但係坐得唔迫，有足夠位置放袋服務都唔錯，上菜快價錢還可以

今日約咗朋友食飯朋友話想食韓國菜， 食韓國菜梗係唔少得嚟到尖沙咀嘅韓國街啦.， 呢條韓國街有好多大大小小嘅韓國食店， 我哋行咗一圈最後揀咗呢一間 好地道嘅韓菜 小店😋一坐低店員已經 拎左幾碟韓式 涼拌 畀我哋食住先， 酸酸甜甜好開胃😂我哋叫咗個炸醬炒年糕， 烤牛肉蓋飯， 雜菜炒粉絲炸醬炒年糕： 加入咗雜菜粉絲 炸醬 一齊去炒個年糕， 味道唔錯， 粉絲保持軟糯彈牙， 唔會因為加埋年糕一齊炒令到粉絲過淋👍雜菜炒粉絲： 雜菜份量都多， 粉絲軟硬度適中 口感 彈牙 ，有鑊氣 又惹味，正！👍烤牛肉蓋飯： 牛肉重牛肉味 肥瘦比例均等， 帶點咬口， 味道拿捏得好好唔會太鹹👍

去咗尖沙咀行街😛然後食咗間好抵食嘅韓國嘢~入面裝修韓國風，中午時段成間滿晒人，一定有佢自己嘅口碑！海鮮辣豆腐湯超級足料嘅海鮮辣豆腐湯，即叫即整熱辣辣，入面有蝦、蜆、翠玉瓜、蛋等等，非常足料豐富。個湯少少辣，撈飯真係幾好食好香口，飯正正常常，煮得啱啱好唔會太濕！板燒牛仔骨份量好多，接近有10件，牛仔骨肥瘦適中，咬落去非常軟熟用嚟配飯就最啱㗎啦。佢嘅調味唔會過多咬落去甜甜地，已經好好食！配埋韓國飲品就十足十去左韓國咁😎價錢唔貴性價比幾高，感覺唔錯，會再嚟食！