影片
開飯介紹
主打多款傳統韓國料理，設有韓燒烤肉區：五花肉、豬皮等夾生菜，真正韓式風味。芝士排骨年糕足料，芝士滿瀉。
繼續閱讀
營業時間
今日營業
11:45 - 23:00
星期一至日
11:45 - 23:00
以上資料只供參考, 請與餐廳確認詳情
今日咁啱經過尖沙咀門口見到一間韓國餐廳好吸引，於是忍唔住入去試一試！蔥餅 🌿 呢間嘅蔥餅真係無得輸！外皮煎到金黃脆口，一咬落去「索」一聲，入面啲蔥多到爆，仲要夠晒香，完全冇嗰陣草青味。最正係佢個醬汁，甜甜辣辣，同蔥餅夾到癲！不過要趁熱食，凍咗會變韌，同阿媽煲電話粥咁難咬。 Seafood Pan Cake 🦑 個海鮮煎餅料多到好似唔使錢咁，每啖都食到魷魚同蝦，仲有啲蔬菜粒增加口感。個邊煎到脆卜卜，中間就軟熟，點埋佢哋自家製嘅醬汁，真係停唔到口。部隊湯 🍲 呢個部隊湯簡直係「大雜燴」嘅代表！腸仔、午餐肉、年糕、泡菜、即食麵咩都有，湯底夠濃郁，辣度適中，飲完成個人暖笠笠。最正係啲芝士溶喺湯入面，拉絲效果一流，邪惡到爆！不過份量真係多，兩個人食都夠，一個人挑戰嘅話可能要打包返屋企。 炒粉絲 🍜 呢個炒粉絲鑊氣十足，粉絲炒到乾身唔油膩，仲有啲蔬菜同肉絲增加口感。味道偏清淡，但係好啱我呢啲怕鹹嘅人。南대門3號 (尖沙咀)尖沙咀金巴利道65-67號太平洋大廈地下3號舖
繼續閱讀
數日前同朋友去咗呢間韓式餐廳吃飯，食物都唔錯，Lunch時間order咗之後，很快就上菜，我地笑說效率十足香港人，但望入去廚房，看見是一位韓國姨姨去炮製。我地三個人，點咗雜菜牛肉炒粉絲、海鮮辣豆腐湯、海鮮煎餅，大家share食。配料十足嘅雜菜牛肉炒粉絲，牛肉粒份量頗多的，加入咗黑椒碎，香味更突出。海鮮辣豆腐湯，橙紅色湯底看似甚為辛辣，但食落去又可以接受，配上鮮蝦、大蜆等，每啖湯配埋白飯甚為惹味。海鮮煎餅，口感似中式薄餅，裡面是香蔥、蝦米粒。如果要找一個詞形容，住家菜當之無愧。
繼續閱讀
6月2號食呢間野。想講呢間野味道真係唔差，嗌咗個冷麵同鐵板豬肉，一開始食到舔舔脷。以為又揾到一間可以經常食嘅韓國野。dxxm估你唔到，食到一半喺辣豬肉食出只曱甴，仲要得翻個殼。大佬啊，有冇咁大整蠱，我食左一半你先出現，仲要唔係全屍。人生真係第一次食到曱甴，真係想死。即刻同個韓國老細講，佢就急急腳話no pay no pay然後收走左個豬肉。然後我同佢話，我地食到一半，食到蟲咁點啊？佢就指住張單話no pay no pay。本身都唔想寫衰佢，但係今日嚟尖沙咀食飯又諗起呢間嘢，即刻反胃唔想食，大家睇路
繼續閱讀
放假諗住食下韓國嘢 去咗尖沙咀韓國街 一行入韓國街就見到呢間舖頭前邊有個韓國大叔老闆好熱情咁招手叫我哋入佢間餐廳 仲話佢地有得揀韓燒或者唔韓燒 附近都係佢嘅分店 比佢嘅熱情吸引到 我地就入咗呢間餐一坐低就上咗3碟前菜 我地叫咗個水冷麵同人蔘雞湯水冷麵會跟一支醋同一支黃芥末 食落去十分清爽 酸酸地好開胃 一啖接一啖咁食人蔘雞湯嘅蔘味唔重 不過份量十分之大 雞入面包有少少糯米 雞湯清清地飲落十分舒服 飲完都唔覺口渴💰兩人用餐 人均消費$150南대門3號 (尖沙咀)📍尖沙咀金巴利道65-67號太平洋大廈地下3號舖
繼續閱讀
5.10睇完$30戲，就同朋友黎tst食韓國野醫肚先！門口有位親切的韓國大叔招待客人，大叔態度很熱情❤️🔥，所以我地就選左呢間餐廳。兩個人叫左兩樣食物，每份食物都大大碟！韓國飲食文化，先黎三碟前菜，泡菜夠哂辣，茄子ok啦，豆芽一般。韓國鐵板炒豬肉配白飯，份量夠兩個人分，不過飯米太濕，扣分！最近點埋海鮮燒餅，好大份，有d燒焦左d，味道一般。可惜啤酒選擇不多，500ml都要$50，所以迫住似汽水🥤
繼續閱讀
您可能會有興趣的...