莫云

營業中

休息中

知道大角咀有間新酒店，其中高級中菜館剛開張，梗係要帶要做個孝順女，帶媽咪去試吓。中菜館用咗新派木系設計，環境寬敞，唔會好似平時啲酒樓咁密咁嘈。一入到去，待應好熱情咁推介我哋獨有嘅蕎麥茶，用好靚嘅玻璃器皿裝住，仲好細心用燭台一路保溫。另外有合桃酥同紫菜腰果做餐前小食，好有心思。餐單都有唔少特色點心，我叫咗黑松露燒賣王，手磨紅米腸粉，啤梨鹹水角，蟹肉菜苗餃，小籠包，高湯海參灌湯餃等等。燒賣嘅黑松露味好香；灌湯餃嘅湯好清甜，仲配埋又肥又厚嘅海參；紅米腸粉外脆內軟，口感非常好；鹹水角賣相好精緻，打卡都打咗好耐。最後叫多咗個龍蝦湯泡飯，擺盤好有心思，味道又濃又香。酒店嘅中餐廳水準真係特別高，點心餐單都好有驚喜，想做乖仔乖仔女嘅，你哋都一定要帶屋企人去試吓！