影片
更多
2024-05-09
212 瀏覽
最近真係愛上咗清酒😎 過癮之處係唔同嘅酒廠、溫度，甚至不同物質同形狀嘅清酒杯都會帶出截然不同嘅感覺🤩 不過，最享受同大開眼界嘅都係去一啲好chill嘅清酒吧，透過唎酒師介紹同埋推介，你會非常享受成個飲清酒嘅過程🥰 今日介紹呢一間我覺得係最啱我feel既＜Sake bar mura ＞，喺柯士甸路嘅地舖，非常易搵🫶🏻＜Sake bar mura ＞既吧檯設計大約坐到12人左右，方便唎酒師同客人傾偈互動😎 今日嘅俐酒師係貓店長，又健談，又有料👍 對清酒非常熟悉，想飲乜嘢直接同佢講就得架啦，旨、爽、果等乜嘢都有🤩🤩 我自己鍾意飲旨味，有4隻都幾推介🤩🌟群馬泉•山廢酛純米用咗古代釀造方法，天然乳酸菌造成嘅旨味，輕身及辛口，我覺得第一杯揀佢都唔錯🫶🏻🌟宮城•宝船浪之音據說酒廠設喺海邊，聽住海浪聲做酒真係Chill☺️所以就有呢個名。因為嗰邊海鮮豐富，呢隻酒都好襯海鮮，有白花同蘋果香味，唔錯👍🌟愛知•長珍呢隻酒感覺好厚實，果味好活躍，呢隻酒俗稱報紙酒，用報紙嘅包裝令到陽光唔會破壞酒裏面嘅味道，生熟成就係咁嘅意思喇，值得提係呢一杯係常溫嘅，我覺得好正😊🌟神奈川•雨降呢隻乳酸味重，好重芝士味，個afte
＜Sake bar mura ＞既吧檯設計大約坐到12人左右，方便唎酒師同客人傾偈互動😎 今日嘅俐酒師係貓店長，又健談，又有料👍 對清酒非常熟悉，想飲乜嘢直接同佢講就得架啦，旨、爽、果等乜嘢都有🤩🤩
我自己鍾意飲旨味，有4隻都幾推介🤩
🌟群馬泉•山廢酛純米
用咗古代釀造方法，天然乳酸菌造成嘅旨味，輕身及辛口，我覺得第一杯揀佢都唔錯🫶🏻
🌟宮城•宝船浪之音
據說酒廠設喺海邊，聽住海浪聲做酒真係Chill☺️所以就有呢個名。因為嗰邊海鮮豐富，呢隻酒都好襯海鮮，有白花同蘋果香味，唔錯👍
🌟愛知•長珍
呢隻酒感覺好厚實，果味好活躍，呢隻酒俗稱報紙酒，用報紙嘅包裝令到陽光唔會破壞酒裏面嘅味道，生熟成就係咁嘅意思喇，值得提係呢一杯係常溫嘅，我覺得好正😊
🌟神奈川•雨降
呢隻乳酸味重，好重芝士味，個after taste好強，有粗獷嘅礦物味，全賴用極高礦物質嘅水源釀造，值得一試👍
飲完旨味，貓店長都推介咗三杯特別嘢試下，全部都好正㗎😆
🌟岐阜•三千盛
爽酒之最，dry到不得了，日本酒度係+18，感覺好有趣，超淡麗！
🌟新瀉•村祐
一人酒廠，但喺日本排名絕對唔低，糖感重，係呢個酒廠嘅旗艦清酒😎
🌟鳳凰美田•桃
貓店長話呢隻係世一桃酒🤩 飲完我都覺有可能係， 好好味呀😍😍 佢有個技術可以令到啲桃唔會氧化，裏面仲keep到有新鮮嘅果肉嘅感覺，呢杯就擺到最後飲，好似甜品咁，感覺一流🫶🏻
＜Sake bar MURA＞ 當然都有嘢食啦，除咗清酒，啲嘢食都真心好唔錯😌
🌟秋葵八爪魚
好少喺出面食到原片嘅漬八爪魚，仲keep到爽脆，味道真係唔錯👍
🌟鱈魚乾
又香又脆，配少少沙律醬啱曬，飲酒必備🤩
🌟酒盗芝士
好襯清酒，酒盗係醃製咗嘅海鮮，配埋呢隻芝士真係好鬼香，我見隔離嗰台兩個人叫咗三碟😬
🌟炸芝士條
非常拉絲，熱辣辣嘅炸芝士條，有炸嘢食先過癮嘅🤣
🌟燒牛舌
呢度啲串燒都幾唔錯，燒牛舌夠厚，火喉控制幾好，生熟度都好滿意👍
🌟大蔥雞肉
食日本串燒必點嘅，大蔥燒到好香，雞肉嫩滑
多謝＜Sake bar MURA＞帶俾我哋一個咁開心嘅晚上😎 當日係全場爆滿，證明一啲都唔簡單👍所以大家都係book位穩陣啲。我相信如果一啲飲開清酒嘅朋友，嚟到一齊討論下邊啲係清酒界元潮牌，邊啲係罕有嘅地酒，又可以試下啲大廠靚嘢，真係幾開心🥰 如果冇飲開清酒嘅朋友，更加需要過嚟試下，又開心，又好味，又長知識😬＜Sake bar MURA＞ 一定會再回頭，真心絕對值得推介🫶🏻
張貼
