Chatterbox Café (K11 Musea)

營業中

休息中

以海南雞做主打既餐廳，之前行過幾次都已經見唔小人排隊等位，一直都好想試，今日咁啱有時間，排隊睇下係咪真係咁正先。文華海南雞飯升級雞髀雞肉口感嫩滑，作為主打菜的確非常出色，建議轉雞髀，啖啖肉好滿足，油飯軟硬適中，雞油香而不膩。醬油西生菜西生菜清爽，配上淡淡醬油香味已經好夾。咖喱椒鹽炸雞寶以咖哩及椒鹽作調味料，為炸雞帶來獨特既香辣味道，上枱時熱辣辣，非常出色。芒果菠蘿梳打消暑之選，甜度適中，配上炸雞一齊食一流。斑斕蛋糕配鮮果蛋糕非常鬆軟，班蘭味好出，加上鮮果味道更清新。椰子雪糕其實已經好飽，見隔離叫我又叫，椰子味濃郁，仲要有椰肉，其中一樣必叫甜品。