貓之眼

營業中

休息中

我必須要講呢一間餐廳平時係超級多人排隊，所以基本上都唔係成日可以食到，呢日我就咁岩成為左呢間舖頭嘅第一位客人，見冇人排隊於是就入咗去試。見到佢哋有個和牛漢堡扒拼咖喱蛋包飯係有推薦所以就試咗呢個組合，等嘅時間唔係好耐，就算午餐時間都可以來光顧，成個飯嘅份量非常之多，和牛漢堡扒係超級厚，成個波咁，又juicy, 而咖哩亦都有好多肉同埋非常之日式，係偏甜嗰隻。最令我驚喜嘅係佢個蛋包飯出邊嘅蛋，隻蛋煎得非常之滑，配上咖喱同埋和牛漢堡簡直係完美嘅配搭。不得不提嘅係呢間舖頭嘅老闆態度非常之好，無論係入座之前，進食期間，定係嚟咗之後都非常之有禮貌，令到我自己好似喺日本嘅餐廳食嘢一樣。餐廳入邊位置唔算多，所以要食嘅話一定要早少少去或者要排一陣隊，但係餐廳入邊嘅音樂非常之抒情，成個氣氛令到呢間餐廳好好坐。我坐喺入邊食嘢好舒服，而且成個個體驗都好滿意，一定會再嚟一次。