影片
更多
2022-11-14
78 瀏覽
餐廳位於將軍澳中心，環境乾淨又寬躺，一到夜晚7點就開始多人，需要排一陣隊，不過上菜速度算快，所以人流快嚟快去唔會話要等好耐🌬。今次貪心啲叫兩個主菜兩個小食，男朋友話佢包底🫣。🍖#香煎喜哥蔥油豬扒+ #嫩滑炒蛋+ #脆皮菠蘿油 ($78)豬扒又厚又大塊真係啖啖肉，同蔥油好夾，咬落去啲油同肉汁一次過咇出嚟😆(如果撈公仔麵一定超正)。炒蛋本身確實好嫩滑，但旁邊放咗兜冰鎮牛油搞到啲蛋一邊熱一邊凍🥶，建議擺位嗰度餐廳再度度佢。另外，呢個餐可以揀要熱狗定菠蘿油，可惜當時已經冇哂熱狗，唯有試試菠蘿油，菠蘿包好大個，上半邊菠蘿皮甜甜脆脆幾好食，下半邊有少少乾🤏🏻，牛油cover唔哂。🐔#拔道腩水門雞飯 ($72)雞肉嫩滑程度的確可媲美拔道腩嘅海南雞，雞皮仲好彈添😍，配上辣醬汁更加好食。湯清清淡淡得嚟蘿蔔味好重，仲有少少胡椒香。🐽#拔絲山渣汁菠蘿咕嚕西班牙黑豚肉 ($98)同普通只帶醋味嘅甜酸醬有好大分別，用山楂汁調味食落好和諧，唔會灼喉😋。菠蘿分開放冇沾到醬汁，就咁食覺得好鮮甜✨。咕嚕肉熱辣辣嘅時候仲可以玩拉絲，稍為攤凍咗之後醬汁凝固，變咗一層好似玻璃糖咁嘅質地。雖然話西班牙黑豚肉，但咬落覺得稍為有少
餐廳位於將軍澳中心，環境乾淨又寬躺，一到夜晚7點就開始多人，需要排一陣隊，不過上菜速度算快，所以人流快嚟快去唔會話要等好耐🌬。
今次貪心啲叫兩個主菜兩個小食，男朋友話佢包底🫣。
🍖#香煎喜哥蔥油豬扒+ #嫩滑炒蛋+ #脆皮菠蘿油 ($78)
豬扒又厚又大塊真係啖啖肉，同蔥油好夾，咬落去啲油同肉汁一次過咇出嚟😆(如果撈公仔麵一定超正)。炒蛋本身確實好嫩滑，但旁邊放咗兜冰鎮牛油搞到啲蛋一邊熱一邊凍🥶，建議擺位嗰度餐廳再度度佢。另外，呢個餐可以揀要熱狗定菠蘿油，可惜當時已經冇哂熱狗，唯有試試菠蘿油，菠蘿包好大個，上半邊菠蘿皮甜甜脆脆幾好食，下半邊有少少乾🤏🏻，牛油cover唔哂。
🐔#拔道腩水門雞飯 ($72)
雞肉嫩滑程度的確可媲美拔道腩嘅海南雞，雞皮仲好彈添😍，配上辣醬汁更加好食。湯清清淡淡得嚟蘿蔔味好重，仲有少少胡椒香。
🐽#拔絲山渣汁菠蘿咕嚕西班牙黑豚肉 ($98)
同普通只帶醋味嘅甜酸醬有好大分別，用山楂汁調味食落好和諧，唔會灼喉😋。菠蘿分開放冇沾到醬汁，就咁食覺得好鮮甜✨。咕嚕肉熱辣辣嘅時候仲可以玩拉絲，稍為攤凍咗之後醬汁凝固，變咗一層好似玻璃糖咁嘅質地。雖然話西班牙黑豚肉，但咬落覺得稍為有少少靭🙁。
🦐#星加坡黑醬油胡椒粉絲大蝦煲 ($108)
為防止癡底，餐廳將全部蝦都放晒喺煲底，最後發現竟然有三隻大蝦咁多😮，每隻蝦嘅蝦肉都有半隻手掌咁大，仲好厚肉！蝦膏亦相當濃郁，配上黑醬油胡椒粉，連粉絲一齊食更惹味。(我個人覺得呢個粉絲大蝦煲最好食，鍾意佢唔太鹹、乾身而且超重胡椒味💕)
🍊#粉紅西柚氣泡茶 ($7)
西柚偏酸，但加埋氣泡茶又幾夾，清清地又解渴，同埋只係加$7就有特飲都幾抵🤩。
🍇#巨峰提子氣泡茶 ($15)
提子味道超濃，配上味道較為清香嘅茶成強烈對比。先會嚐到提子味，茶香繼而滲出😌。
我覺得食物份量整體算多，店員都好nice唔會話人流多就黑口黑面，總括嚟講食得幾舒服🤝🏻。
張貼
