夏麵館 (寶石大廈) (已結業)

平時好少食上海野，今日同屋企人試吓夏麵館裏面嘅上海菜，原來都幾好食，花雕醉雞係我最愛，佢嘅花雕酒好足夠，雞肉亦都很白滑，只有少許雞件有骨，而且份量好足夠成家人一齊食。另外叫咗個唐芹水餃麵，原來面底可以轉為淮山麵，冇諗過淮山麵可以咁彈，放咁耐都唔會浸到腍晒，而且淮山麵好有營養，滋陰養神，下次如果可以轉呢個面底，我都想一定義不容辭轉。 順帶一提椒鹽小黃魚，小黃魚砌好靚，賣相好吸引，魚肉好靚，外脆內軟，金黃色嘅魚皮好香，熱到非常足夠，百吃不厭兩人都可以吃得完。食埋個黃金蝦充滿鹹蛋味，而且仲有南瓜蓉，如果用你送白飯應該好正。最後叫咗杯豆漿，$28杯，涼透心有豆味，而且大大杯好夠飲。