Sleepyhead

營業中

休息中

同朋友去利東街睇聖誕燈，所以揀左一間離不遠，大概係利東街行8分鐘路程既cafe解決我地既晚餐。Cafe設計簡約不浮誇，主打不同三文治，最特別係茶餐廳風味三文治，我地點左黯然銷魂菠蘿叉燒三文治，菠蘿包同叉燒兩樣都係香港最signature既美食，結合出黎效果又幾夾，叉燒份量十足，配菜亦豐富，有生菜，青瓜，炒蛋，酸洋蔥，口感豐富而且10分飽肚。而另一款三文治係健身雞胸三文治配手撕雞醬，我地自己再加錢加芝士，三文治兩邊都烘底，咬落少少脆，雖然係雞胸，但一啲都唔嚡，而手撕雞醬係微微辣與雞肉好夾。