夏麵館 (荷里活廣場)

營業中

休息中

今次食飯，兩個人叫左一個排骨擔擔麵、金湯黃魚餛飩、蟹粉小籠包（4隻）、夏味燻蛋（1隻）。先講涼菜，夏味燻蛋有濃濃嘅咸燻香，加上膠質半熟嘅蛋黃，真係令人齒頰留香。到排骨擔擔麵，呢個麵底其實可以揀擔擔麵麵底亦可以揀淮山麵麵底嘅。怕辣嘅我都掙扎左好耐究竟揀邊款，始終擔擔麵會特別啲同惹味啲，但又驚會太辣。好好彩，呢度嘅擔擔麵唔太辣，完全可以接受，如果齋飲湯係會感覺到喉嚨辣，但並唔會停留係口腔同舌頭，因此好適合我呢種食辣初哥。好大碗麵，花生味好香濃，頗大塊排骨且熱辣辣非常香，係幾好食兼幾抵食！再黎金湯黃魚餛飩，湯有淡淡薑味同魚香，幾好飲，餛飩亦好好食。呢個我係非常推薦，比其他主食更出眾。但可惜，雖然餐廳重點推介所有有關蟹粉嘅食物，但本人係極不推薦叫蟹粉小籠包。小籠包嘅皮異常地厚，絕對做唔到小籠包應有嘅“皮薄餡靚”特點，亦做唔到多汁。基本上就係厚厚嘅皮，包住一堆平平無奇甚至頗油膩嘅肉團。整體黎講係不錯嘅，只要唔好叫小籠包就應該可以了。