韓脈 (帝國中心)

營業中

休息中

朋友約咗過嚟食飯，入到去環境氣氛都幾好嘅，周圍都填滿晒啲韓國嘅廣告，投入感比較強，前菜方面，就比較少選擇，味道方面都唔錯，kimchi幾好味，同埋個鵪鶉蛋都有特色。先嚟咗個沙律同埋嗰醬油蟹，仲有紫菜拌飯。沙律調高味道都幾開胃，酸酸甜甜咁樣。醬油蟹好靚，亦都好多膏，味道方面就冇韓國嗰啲咁龍尾，可能咁樣更加適合香港人口味，醬汁加埋啲紫菜拌飯朋友都食得好開心。煎餅，同埋個煎蛋都有韓國嘅味道嘅，份量亦都唔錯，都幾次韓國嘅風味，所以都係可以嘅。主打嘅牛肉拼盤，牛肉方面水準唔係好穩定，有好嘅有唔好嘅，同埋可能太忙碌唔夠人做招呼，開頭都會嚟幫手笑，同埋玩下個底盤，之後幾樣嘢都係你負責放落去燒，之後就完全冇跟進啦，所以都唔知道應該幾熟為之好味，結果就係肉質冇咁好嗰啲出嚟效果更加差，以韓式燒烤來計服務呢度有幾大進步空間。