華星冰室 (克街)

營業中

休息中

小編好少去茶記食常餐，因為多數都好大份，食唔哂又唔想夾硬食，所以比較少食。華星非常出名，小編搵一日留肚去試下佢嘅常餐。呢間舖比較隔涉，唔近地鐵站，要特登行過黎，同埋喺巷仔，要搵一搵先得。過左繁忙時間黎到都要排一陣隊。入到去被安排到貼牆嘅位，好窄同好迫，坐得唔係太舒服。叫左個常餐食，果然係好大份，真係食到捧住個肚。可能小編真係比較少食茶記常餐，冇乜得比較。呢度個蛋比較出名，係唔錯嘅。不過其他野食都冇咩特別，個人覺得未到話要特登黎排隊食。如果經過想食個lunch或者下午茶都ok嘅。