HARA

營業中

休息中

雖然佐敦有好多好嘢食，不過裝修精緻嘅餐廳其實都唔係話好多，例如日本菜，好似都係以居酒屋或者平民小店為主。不過就比我發現佐敦有一間裝修好chill嘅日本fusion餐廳。地方唔算大，有分室內同室外，樓底好高，有少少蘇豪區啲bar & restaurant 嘅感覺。lunch time 時段有做lunch set，我就叫咗個北海道帶子刺身丼，前菜，麵豉湯同飲品要額外加錢。由於我比較肚餓所以我都加咗。前菜係螺肉同中華沙律，係我本身都超鍾意食嘅嘢，味道當然冇令人失望。麵豉湯用陶瓷杯上，感覺有少少奇怪，不過湯入邊嘅配料都幾多下，值得一讚。之後就到北海道帶子刺身丼，擺盤相當精美，但可惜份量好細，刺身下面係一層薄薄嘅飯不過佢啲帶子雖然細細粒，但都幾新鮮同鮮甜。可能份量始終係太細，食完依然都係覺得比較空虛，好彩我有加前菜，唔係應該未必夠飽。。。