日山 (海運大廈)

營業中

休息中

為慶祝男朋友生日，已經提前一個月預約因為係平日食，所以去到比預約時間遲咗10分鐘到都仲有一個望海景嘅座位。訂座前兩日會收到當日嘅Menu，今次叫咗$498嘅壽喜燒A5和牛特選部位及野菜盛套餐同埋$438嘅A5和牛扒伴日式芥末醉汁，再加咗個$38雞泡魚乾。點餐後職員會送上餐前三款小食，梅子果凍入口酸酸地幾開胃，漬物味道普通冇太大特別，但櫻花蝦燉蛋味道非常一般，蛋入面冇蝦味。主菜首先送上和牛扒伴芥末汁，牛扒份量較少，但入口都算即溶，可以一試。而另外最出名嘅壽喜燒，會有職員先拎兩塊和牛俾你打卡，再喺眼見位置有職員即刻煮壽喜燒，服務尚算貼心，可以幫你分兩碗上，但日本蛋味好出，壽喜燒味被完全蓋過，整體味道較普通沒有太大驚喜。最後驚喜位係柚子味雪糕，香甜清新帶少少酸滿意。😝😝😝好彩因為有商場coupon，最後一日$200 -100所以埋單六百幾，整體尚算可以接受，但如果要用正價就未必會再光臨。